نگراں وزیر اعظم انوارلحق کاکڑ کی بل گیٹس سے ملاقات

ڈیووس: نگراں وزیراعظم انوار الحق کاکڑ نے عالمی اقتصادی فورم کے 54ویں سالانہ اجلاس کے موقع پر آج ڈیووس میں بل اینڈ میلنڈا گیٹس فاؤنڈیشن کے شریک چیئرمین بل گیٹس سے ملاقات کی۔

وزیر اعظم انوار الحق کاکڑ نے بل اینڈ میلنڈا گیٹس فاؤنڈیشن کے پاکستان کے ساتھ تعاون پر ان کا شکریہ ادا کیا ۔

وزیر اعظم اور بل گیٹس نے پاکستان میں شروع کیے جانے والے سماجی تعاون کے متعدد اقدامات پر تبادلہ خیال کیا، ملک بھر میں کوششوں کو بڑھاتے ہوئے فوائد کو مزید مستحکم کرنے کی ضرورت کو اجا گر کیا ۔ 

ملاقات میں وزیراعظم نے پاکستان میں کاروبار اور سرمایہ کاری کو آسان بنانے کے لیے حکومت کی جانب سے کیے گئے اقدامات پر بھی بات چیت کی ۔ 

وزیراعظم انوارلحق کاکڑ  نے خصوصی سرمایہ کاری سہولت کونسل کے قیام اور غیر ملکی سرمایہ کاروں کے لیے سازگار ماحول پر بھی تبادلہ خیال کیا ،  پاکستان اور بیلجیئم نے تجارت و سرمایہ کاری، نقل مکانی، نقل و حرکت اور اعلیٰ تعلیم سمیت باہمی دلچسپی کے تمام شعبوں میں اعلیٰ سطح کے تبادلوں اور دوطرفہ تعاون کو بڑھانے کے عزم کا اعادہ کیا ہے

 ڈیووس میں ورلڈ اکنامک فورم کے 54ویں سالانہ اجلاس کے موقع پر نگران وزیراعظم انوار الحق کاکڑ اور بیلجیئم کے ان کے ہم منصب الیگزینڈر ڈی کرو کے درمیان ہونے والی ملاقات میں پاکستان اور بیلجیئم کے درمیان تعلقات بڑھانے کا عندیہ دیا گیا ہے ۔