رواں سال پاکستانیوں نے سب سے زیادہ گوگل پر کس کو سرچ کیا؟ رپورٹ جاری

ویب ڈیسک : رواں سال پاکستانیوں نے سب سے زیادہ گوگل پر سرچ کیے جانے والی شخصیات کی فہرست آ گئی۔

تفصیلات کےمطابق گوگل کی سالانہ رپورٹ 2025 کے مطابق پاکستانی انٹرنیٹ صارفین نے سیاست، کرکٹ اور شوبز سے وابستہ شخصیات میں سب سے زیادہ دلچسپی دکھائی۔

گوگل کی جانب سےجاری کر دہ رپورٹ کے مطابق بانی پی ٹی آئی عمران خان سال 2025 میں سب سے زیادہ سرچ کی جانے والی پاکستانی شخصیت رہے۔

اسی طرح گوگل رپورٹ کے مطابق ایتھلیٹس کی فہرست میں سرحد پار سے تعلق رکھنے والے بھارتی کرکٹر ابھشیک شرما سب سے زیادہ سرچ کیے گئے، جبکہ مقامی کرکٹ میں صائم ایوب، حسن نواز، عرفان خان نیازی، صاحبزادہ فرحان اور محمد عباس نمایاں رہے۔

رپورٹ کے مطابق سیاسی شخصیات کے بعد شعیب اختر اور عاطف اسلم گوگل سرچز میں نمایاں رہے۔

اسی طرح شوبز کے شعبے میں ماہرہ خان، اقرا عزیز اور ہانیہ عامر سب سے زیادہ مقبول رہیں، جبکہ مرد اداکاروں میں فہد مصطفیٰ، وہاج علی اور ڈرامہ ’شیر‘ کے باعث دانش تیمور ٹرینڈز میں شامل رہے۔