نواز شریف کے پاس غریب عوام کیلئے کو ئی منشو ر نہیں ،بلاول بھٹو

بلاول بھٹو زرداری  نےجلسہ عام سے خطاب کرتے ہوئے  کہا ہے کہ سب مل کر تیر پر نشان لگائیں ہم شیر کا شکار کریں گے۔

پیپلزپارٹی کے چیئرمین بلاول بھٹو زرداری نے جلسہ سے خطاب کرتے ہوئے کہا کہ میں اسی شہر میں موجود ہوں جہاں ذوالفقار علی بھٹو کو شہید کیا گیا، میں آج اس جگہ پر موجود ہوں جہاں بینظیر بھٹو نے آخری خطاب کیا، آج پاکستان کے جو حالات ہیں ان حالات میں پاکستان کو پیپلز پارٹی ہی بچا سکتی ہے۔

انہوں نے کہا کہ آج پاکستان میں نفرت اور تقسیم کی سیاست کی جا رہی ہے، پاکستان پیپلز پارٹی نفرت اور تقسیم کی سیاست کو ہمیشہ کے لیے دفن کردے گی، انتخابی منشور اور عوامی معاشی معاہدہ پیش کیا ہے، ہمارا عوامی معاشی معاہدہ غربت کو ختم کردے گا۔

بلاول بھٹوزرداری  نے کہا کہ ایک سیاسی جماعت نے ووٹ کو عزت دو نعرا لگایا مگر عمل میں کیا، میں بتانا چاہتا ہوں اصل طاقت کا سر چشمہ عوام ہے، ملک بھر میں 8 فروری کو عام انتخابات ہونے جا رہے ہیں، اب وقت آ گیا ہے کہ پاکستان میں کوئی گڈ یا بیڈ طالبان نہیں ہوگا، اگر کوئی آئین پاکستان کو نہیں مانتا تو اس کو منہ توڑ جواب دینگے۔

انہوں نے کہا کہ نواز شریف چوتھی بار وزیر اعظم بننے کے خواہشمند ہیں لیکن ان کے پا س غریب عوام کیلئے کوئی منشور نہیں ہے ۔