امریکی وزیر خارجہ کا مشرقِ وسطیٰ کے چار روزہ دورے کا اعلان

غیر ملکی خبر رساں ادارے کے مطابق  امریکی وزیرخارجہ اینٹنی بلنکن نےاپنے مشرقِ وسطیٰ کے چار روزہ دورے کا اعلان کردیا ہے۔ امریکی وزیرخارجہ آج سے 27مئی  تک مشرقِ وسطیٰ کے مختلف ممالک کا دورہ کریں گے۔

امریکی وزیرخارجہ اینٹنی بلنکن اسرائیلی اور فلسطینی حکام سے ملیں گے،خطے کے دیگر سربراہان سے بھی ملاقات کریں گے، مریکی وزیرخارجہ اینٹنی بلنکن اسرائیل، فلسطین، مصر اور اردن جائیں گے۔

غیر ملکی خبرایجنسی کے مطابق  اینٹنی بلنکن  اپنے چار روزہ دورے کے دوران اسرائیلی وزیراعظم  نیتن یاہو اور فلسطینی صدر محمود عباس سے ملاقات کریں گ۔ امریکی وزیرخارجہ مصری کے صدرعبدالفتاح السیسی اور اردن کے شاہ عبداللہ سے بھی ملاقات کریں گے۔ملاقاتوں میں خطے کی صورتحال اور غزہ کے شہریوں کیلئے بہترین طریقے سے امداد کی فراہمی  جیسے معاملات پر بات ہوگی۔