سعودی عرب نے اقامہ ، ایگزیٹ انٹری ویزوں کی تاریخ میں توسیع کردی

غیر ملکی خبر رساں ادارے کے مطابق  سعودی عرب نے اقامہ، ایگزیٹ اینٹری ویزوں  کی تاریخ میں بغیر کسی معاوضے کے 2جون تک توسیع کردی ہے،  کورونا پابندیوں کے سبب مختلف ملکوں میں پھنسے افراد کے وزٹ ویزا کی مدت میں بھی توسیع کا اعلان کیاگیاہے۔

سعودی فرما نروا  شاہ  سلمان بن عبدالعزیز کی ہدایت پر محکمہ پاسپورٹ نے بیرون ملک مقیم غیرملکیوں کے اقاموں، وزٹ ویزے اور خروج و عودہ کے ویزوں میں مفت توسیع شروع کردی ہے۔جنرل ڈائریکٹریٹ آف پاسپورٹ نےمدت میں  توسیع کی تصدیق  کردی ہے۔

#BREAKING: King Salman orders free extension of iqama, exit, visit and reentry visas of expatriates who are outside #SaudiArabia at countries which arrival has been suspended from pic.twitter.com/WHrj8mG76x

— Saudi Gazette (@Saudi_Gazette) May 24, 2021

محکمہ پاسپورٹ کے مطابق اقاموں اور ویزوں میں توسیع کیلئے کسی کو دفاتر سے رجوع نہیں کرنا پڑے گا۔ بلکہ  توسیع نیشنل انفارمیشن سینٹر کے تعاون سے خود کار نظام کے تحت ہوگی۔

محکمہ پاسپورٹ کے مطابق  بیرون مملکت موجود ان اقامہ ہولڈرز کے اقاموں اور خروج و عودہ ویزوں میں توسیع ہوگی جہاں سے آمد پر کورونا وائرس پھیلنے سے روکنے کے لیے پابندی لگی ہوئی ہے۔