سائفر کیس ہمارے نزدیک پاکستان کی تاریخ کا یہ بدترین ٹرائل ہے،حامد خان

پاکستان تحریک انصاف کے وکیل حامد خان کا کہا ہے کہ سائفر کیس ہمارے نزدیک پاکستان کی تاریخ کا یہ بدترین ٹرائل ہے جہاں وکیلوں کو کبھی عدالتوں سے نہیں نکالا گیا، سائفر میں ڈیفنس لائرز کو عدالتوں سے نکالا گیا۔ سماعت کے دوران ہمارے وکیلوں کو خوفزدہ کرنے کیلئے ایک چھوٹے کمرے میں لے جاکر ان پر بندوقیں تانیں گئیں۔

اسلام آباد ہائیکورٹ میں میڈیا سے گفتگو کرتے ہوئے حامد خان نے کہا کہ ’آج تک وکیلوں کو کبھی عدالت سے نہیں نکالا گیا، پہلی دفعہ ڈیفینس لائرز کو عدالتوں سے نکالا گیا جہاں انہوں نے جرح کرنی تھی، اور جرح اپنے من پسند وکیل سے کرائی گئی، جو کہ جرح نہیں کہلا سکتی۔

ہمارے وکیلوں کو خوفزدہ کرنے کیلئے ایک چھوٹے کمرے میں کے جاکر ان پر بندوقیں تانیں گئیں۔ حامد خان
pic.twitter.com/CJuk7VZUJK

— PTI (@PTIofficial) January 30, 2024

انہوں نے کہا کہ ’پہلی دفعہ وکیلوں پر بندوقیں تانی گئیں، جو واقعات سامنے آئے ہیں کہ انہیں ایک چھوٹے کمرے میں لے جا کر ان کو خوفزدہ کرنے کی کوشش کی گئی ہے اور ان پر بندوقیں تانی گئی ہیں، جو کہ بدترین مثال ہے ملک میں انصاف کے نظام کو کنورٹ کرنے کی، لہٰذا اس کو ہم ٹرائل نہیں مانتے۔ یہ سب کچھ غیر آئینی اور غیر قانونی ہے۔

حامد خان نے مزید کہا کہ آئین اور قانون کے مطابق آپ کسی بھی ملزم کو اس کے من پسند وکیل سے الگ نہیں کر سکتے۔ لہذا کسی بھی ایسے شخص کو ریاستی خرچے پر ملزم کی مرضی کے بغیر اس کا وکیل مقرر کرنا آئین کی خلاف ورزی ہے۔