ڈاکٹرفیصل سلطان کی کین سینو ویکسین کی تیاری پر این آئی ایچ ٹیم کو مبارکباد

سماجی رابطے کی ویب سائٹ ٹوئٹر پر ایک ٹویٹ میں  وزیر اعظم کے معاون خصوصی ڈاکٹر فیصل سلطان نے  فیصل سلطان کی کین سینو  ویکسین کی تیاری پر نیشنل انسٹیٹیوٹ آف ہیلتھ ( این آئی ایچ)  ٹیم کو مبارکباد دی ۔

Congratulations to the NIH Pak team and its leadership for successful fill/finish (from concentrate) of the Cansino vaccine with the help of Cansino Bio Inc. China. The product has passed the rigorous internal QA testing. An imp step to help in our vaccine supply line pic.twitter.com/hrkySTJxPX

— Faisal Sultan (@fslsltn) May 24, 2021

معاون خصوصی ڈاکٹر فیصل سلطان نے کہا کہ  این آئی ایچ کی ویکسین نے سخت کوالٹی کے ٹیسٹ پاس کر لیے، یہ  ویکسین سپلائی لائن میں مدد کے لئے ایک اہم اقدام ہے۔

ملک  میں کورونا وائرس کی تیسری لہر جاری ہے اور یومیہ کیسز اور اموات میں کمی دیکھی جارہی ہے۔ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق گزشتہ 24 گھنٹوں میں کورونا کے تقریبا 3060 کیسز رپورٹ ہوے جبکہ 57 افراد جان کی بازی ہار گئے ۔ ملک میں اموات کی مجموعی تعداد20 ہزار 308ہوگئی ہے،جبکہ  متاثرہ افراد کی مجموعی تعداد9لاکھ 3 ہزار 599ہوگئی ہے ۔

پنجاب

پنجاب میں کورونا مریضوں کی تعداد 3لاکھ 34ہزار  764ہوگئی ۔ جبکہ صوبے میں اب تک 9ہزار 784افراد جان سے ہاتھ دھو بیٹھے ہیں ۔

سندھ

سندھ میں کورونا وائرس سے سب سے زیادہ متاثرہ مریضوں کی تعداد  3 لاکھ 9ہزار647ہو گئی جبکہ صوبے میں اب تک 4 ہزار 920افراد جان کی بازی ہار گئے ۔

خیبرپختون خوا

خیبرپختون خوا میں کورونا وائرس سے متاثرہ مریضوں کی تعدادایک لاکھ 29ہزار883ہوچکی ہے ۔ صوبے میں 3950افراد چل بسے۔

بلوچستان

بلوچستان میں کورونا وائرس کے اب تک 24ہزار583کیسز رپورٹ ہوئے ہیں جبکہ صوبے میں 270مریض چل بسے ۔

اسلام آباد

وفاقی دارالحکومت اسلام آباد میں مجموعی طورپرمتاثرہ افراد کی تعداد80 ہزار418جبکہ اموات کی تعد1د 745تک جاپہنچی ۔

گلگت بلتستان

گلگت بلتستان میں اب تک 5 ہزار 500افراد کورونا کا شکار ہوئے ہیں جبکہ 107افراد جان سے ہاتھ دھو بیٹھے ۔

 آزاد کشمیر

آزاد جموں کشمیرمیں کورونا سےمتاثرہ افراد کی تعداد 18 ہزار808ہوچکی ہے جبکہ 532افراد جان کی بازی ہار گئے ۔

ملک بھرمیں صحت یاب ہونے والے افراد کی تعداد بھی تیزی سے بڑھنے لگی ہے۔

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا ۔