پی ٹی آئی نے آج جنرل باڈی کا اجلاس طلب کرلیا

اسلام آباد: پاکستان تحریک انصاف (پی ٹی آئی) کی جنرل باڈی کا اجلاس آج (بدھ) کو طلب کرلیا گیا ہے۔

پی ٹی آئی کی جانب سے جاری بیان کے مطابق یہ اجلاس اسلام آباد اور چاروں صوبائی دارالحکومتوں میں ہوگا۔ اجلاس میں انٹرا پارٹی الیکشن اور دیگر تنظیمی امور پر تبادلہ خیال کیا جائے گا۔

پاکستان تحریک انصاف کا اہم جنرل باڈی اجلاس طلب

جنرل باڈی اجلاس کل مؤرخہ 31 جنوری کو بیک وقت وفاقی دارالحکومت اسلام آباد اور چاروں صوبائی دارالحکومتوں میں منعقد کیا جائے گا۔ pic.twitter.com/kU5lxDA4OY

— PTI Islamabad (@PTIOfficialISB) January 30, 2024

اعلامیے میں کہا گیا ہے کہ اجلاس کی کارروائی چلانے کے لیے مرکز اور چاروں صوبائی دارالحکومتوں میں کنوینر مقرر کیے گئے ہیں۔

بیان میں کہا گیا ہے کہ مرکز میں صبغت اللہ ورک، پنجاب میں کرنل اعجاز منہاس، خیبرپختونخوا میں شیر علی ارباب، بلوچستان میں سالار خان کاکڑ اور سندھ میں جسٹس ریٹائرڈ نور الحق قریشی جنرل باڈی اجلاس کی کارروائی چلائیں گے۔