مسئلہ کشمیر کو مستقل بنیادوں پر حل کیا جا ئے ، مشعال ملک

انسانی حقوق اورخواتین کوبااختیاربنانے کے بارے میں وزیراعظم کی معاون خصوصی مشعال حسین ملک نے مسئلہ کشمیرکوجلدحل کرنے پرزوردیاہے کیونکہ مقبوضہ کشمیرمیں صورتحال بدترین نہج تک پہنچ چکی ہے۔

 اسلام آباد میں آزادجموں وکشمیرشاخ کی حریت قیادت کے ہمراہ ایک نیوزکانفرنس سے خطاب کرتے ہوئے انہوں نے کہا کہ مسئلہ کشمیر کا مستقل بنیادوں پر حل ہونا چاہیے ۔ 

انہوں نے کہاکہ بھارت حریت رہنمائوں کوپھانسی دینے اوراپنے عام انتخابات سے قبل کوئی مضحکہ خیزبیانیہ تیارکرنے کی پوری کوشش کررہاہے۔

انہوں نے مقبوضہ جموں وکشمیرمیں بھارت کی طرف سے انسانی حقوق کی خلاف ورزیوں کی تحقیقات کے لئے انکوائری کمیشن تشکیل دینے کامطالبہ کیا۔

مشعال ملک نے کہاکہ آبادی کاتناسب تبدیل کرنے کی حکمت عملی کامقصدعلاقے میں اس سال ستمبر میں ہونے والے انتخابات میں ڈالے جانے والے جعلی ووٹوں کوتحفظ فراہم کرناہے اور کشمیری عوام ہمیشہ ان جعلی انتخابات سے دوررہے ہیں۔