ترکیہ مصر کو اپنی ڈرون ٹیکنالوجی فراہم کرنے پر رضامند

ترکیہ نے مصر کو اپنی ڈرون ٹیکنالوجی فراہم کرنے کی رضامندی ظاہر کر دی۔

غیر ملکی خبر رساں ایجنسی کے مطابق ترک وزیرِ خارجہ ہاکان فیدان نے کہا کہ ایک عشرے کے انقطاع کے بعد مصر کے ساتھ تعلقات معمول پر آ گئے ہیں جس کے بعد ترکیہ نے مصر کو اپنے مقبول ہوتے ہوئے ڈرون فراہم کرنے پر اتفاق کیا ہے۔ انقرہ اور قاہرہ نے گذشتہ سال سفراء کی تقرری کر کے سفارتی تعلقات کو بہتر بنایا جس کے بعد پہلی مرتبہ ترکیہ کے صدر طیب اردوان 14 فروری کو اپنے ہم منصب عبدالفتاح السیسی سے ملاقات کے لیے مصر کا دورہ کرنے والے ہیں۔

 
ترک وزیر خارجہ نے مزید کہا کہ السیسی کے ساتھ ملاقات میں تجارت، توانائی اور سلامتی سمیت دو طرفہ اور علاقائی مسائل پر بات کریں گے۔ہمارے تعلقات کو معمول پر لانے کے لیے مصر کے پاس کچھ ٹیکنالوجیز کا ہونا ضروری ہے۔ ہمارے پاس (مصر) کو بغیر پائلٹ کے ہوائی گاڑیاں اور دیگر ٹیکنالوجی فراہم کرنے کا معاہدہ ہے۔

شام، لیبیا، آذربائیجان اور یوکرین کے تنازعات پر ترک ڈرونز کے اثرات کے بعد ان کی بین الاقوامی طلب میں اضافہ ہوا ہے۔ ایتھوپیا بھی ترک ڈرون کے خریداروں میں شامل ہے جس کے نیلے نیل پر ہائیڈرو پاور ڈیم پر مصر کے ساتھ کشیدہ تعلقات ہیں۔