سینئر اداکارہ بشریٰ انصاری کی انتخابات سے متعلق عوام سے اپیل

پاکستان ڈرامہ انڈسٹری کی سینیئر اداکارہ بشریٰ انصاری نے انتخابات سے متعلق عوام سے اپیل کی ہے کہ 8 فروری کو گھروں سے نکلیں اور اپنا حق رائے استعمال کریں۔

اپنی انسٹاگرام پوسٹ پر اپنے ویڈیو پیغام میں بشریٰ انصاری نے کہا کہ پورے ملک میں ہلچل ہے، الیکشن سر پر ہیں اور ہم سب چاہتے ہیں کہ پاکستان کا مستقبل سنور جائے اور اگلے پانچ سال کسی ایسی پارٹی کو دیئے جائیں جو ہمارے ملک کو ترقی کی راہ کی جانب لے جائے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Bushra Bashir (@ansari.bushra)

انہوں نے مزید کہا کہ آپ کو جس بھی اُمیدوار کے وعدوں پر بھروسہ ہے، اُس کو ووٹ ڈالیں، 8 فروری کو اُٹھیں اور اپنے حق کا استعمال کریں، باتیں بنانا چھوڑ دیں کیونکہ باتوں سے کچھ حاصل نہیں ہوگا۔اپنے حلقے اور پولنگ اسٹیشن کا معلوم کریں اور اپنے امیدوار کے انتخابی نشان کو اچھی طرح پہنچان لیں تاکہ 8 فروری کو آپ اُسی نشان پر مہر لگا سکیں۔ووٹ لازمی ڈالیں تاکہ ہم بھی پاکستان کی بہتری میں اپنا حصہ ڈال سکیں۔

واضح رہے کہ 8 فروری جمعرات کے روز ملک بھر میں عام انتخابات کا اعلان کیا گیا ہے، ووٹ ڈالنے کے لیے رائے دہندگان کو صبح 8 بجے سے لے کر شام 6 بجے تک کا وقت دیا گیا ہے۔