محمد عامر نے برطانوی پاسپورٹ لے کر آئی پی ایل کھیلنے کی خبرکی تردید کر دی

تفصیلات کے مطابق فاسٹ باؤلر محمد عامر  کا کہنا ہے کہ برطانوی پاسورٹ پر آئی پی ایل کھیلنے کی خبر میں کوئی  صداقت نہیں ہے ، میری اہلیہ  برطانوی  شہری ہیں  اپنے بچوں کی پرورش  اور تعلیم کے لئے مستقبل میں مجھے  برطانوی پاسپورٹ ملنا ہی ہے ۔

محمد عامر نے کہا کہ انٹرنیشنل کرکٹ سے ریٹائرمنٹ کا فیصلہ شوق سے لیا  تھااور نہ ہی ابھی اس سے پیچھے ہٹنے کا کوئی ارادہ ہے لیکن موجودہ  مینیجمنٹ  کے جانے کے بعد  ریٹائر منٹ واپس لینے کا سوچ   سکتا ہوں اور میں  دنیا کی مختلف فرنچائز اور ٹی 20 لیگز میں کھیلتا رہوں گا۔

واضح رہے کہ محمد عامر نے کچھ روز پہلے کہا تھا کہ میں اس وقت آئی پی ایل میں حصہ نہیں لے سکتا لیکن مستقبل میں اگر ایسی کوئی پیشکش ہوئی تو کھیلنے سے انکار بھی نہیں کروں گا، میری دعا ہے کہ پاکستان اور بھارت کے تعلقات بہتر ہو جائیں کیونکہ اس صورت میں ہی آئی پی ایل کھیل سکتا ہوں اور صرف ایک پاکستانی کھلاڑی کی حیثیت سے ہی اس لیگ میں شریک ہونا چاہتا ہوں۔