آئی ایم ایف نے پی آئی اے کی نجکاری کے منصوبے کی منظوری دے دی

اسلام آباد: انٹرنیشنل مانیٹری فنڈ (آئی ایم ایف) نے پاکستان انٹرنیشنل ایئرلائن (پی آئی اے) کی نجکاری کے منصوبے کی منظوری دے دی۔

تفصیلات کے مطابق وزارت نجکاری اور وزارت خزانہ کے حکام کے درمیان مذاکرات کامیاب ہو گئے ہیں جس میں آئی ایم ایف سے پی آئی اے کی نجکاری کے لیے قرض ری شیڈولنگ پلان کی منظوری دے دی گئی ہے۔

حکام کا کہنا تھا کہ پی آئی اے کے قرضوں کے ری شیڈولنگ پلان کی حتمی منظوری وفاقی کابینہ سے لی جائے گی جب کہ نجکاری کمیشن اور وزارت خزانہ کے پلان کے مطابق آئی ایم ایف نے پی آئی اے کی نجکاری کے منصوبے کی منظوری دے دی ہے۔

آئی ایم ایف نے پی آئی اے کے قرض پر حکومت پاکستان کو ایک سال کے لیے سود ادا کرنے پر رضامندی ظاہر کر دی ہے۔ حکومت 280 ارب روپے کا قرضہ ایک سال کے لیے 12 فیصد سود پر بینکوں کو ادا کرے گی۔

آئی ایم ایف حکام نے کہا کہ بینکوں پر پی آئی اے کے قرضوں پر ایک سال سے زیادہ سود کی ادائیگی کا بوجھ نہ ڈالا جائے۔

پی آئی اے کی نجکاری کی جائے گی اور قرض کی واپسی کا منصوبہ ایک سال میں بنایا جائے گا۔ نجکاری کے بعد ویلٹ ہوٹل اور پی آئی اے کے ڈیویڈنڈ سے قرض کی واپسی کا منصوبہ بنائے جانے کا امکان ہے۔