بیرون ملک پاکستانیوں کی طرف سے بھیجی گئی ترسیلات زر میں اضافہ

جنوری 2024 میں بیرون ملک پاکستانیوں نے 2.4ارب ڈالر کے ترسیلات زر بھجوائیں ۔

سٹیٹ بینک کی طرف جاری اعداد و شمار کے مطابق جنوری 2024 کے دوران کارکنوں کی ترسیلات زر کی مد میں 2.4 ارب ڈالر کی آمد ریکارڈ کی گئی ،نمو کے لحاظ سے جنوری 2024 کے دوران کارکنوں کی ترسیلات زر ماہ بماہ بنیاد پر 0.6 فیصد اور سال بسال بنیاد پر 26.2 فیصد بڑھیں۔

مالی سال 24ء کے پہلے سات ماہ کے دوران کارکنوں کی ترسیلات زر کی مد میں 15.8 ارب ڈالر کی آمد ریکارڈ کی گئی۔ جنوری 24ء کے دوران ترسیلات زر زیادہ تر سعودی عرب سے 587.3 ملین ڈالر، متحدہ عرب امارات سے 407.6 ملین ڈالر، برطانیہ سے 362.1 ملین ڈالر اور امریکہ سے 283.4 ملین ڈالر آئیں۔