غیر قانونی بھرتی کیس، چوہدری پرویز الہی کی ضمانت منظور

پجاب اسمبلی میں غیر قانوی بھرتیوں کے چوہدری پرویز الہی کی ضمانت منظور کر لی گئی، لاہور ہائی کورٹ نے سابق وزیر اعلیِ کو ایک لاکھ کے مچلکے جمع کرانے کا حکم دے دیا۔ اینٹی کرپشن حکام سابق وزیر اعلی کو اڈیالہ جیل سے لے کر لاہور کےلئے روزنہ ہو گئے۔

لاہور ہائی کورٹ کے جسٹس شہرام سرور کی عدالت میں  پرویز الٰہی کے خلاف  پنجاب اسمبلی کے پرنسپل سیکرٹری بھرتی کیس کی سماعت ہوئی جس میں عدالت نے پی ٹی آئی کے صدر کی ضمانت منظور کرلی۔

دوران سماعت پرویز الٰہی کے وکیل نے دلائل دیے کہ جوڈیشل مجسٹریٹ نے محمد خان بھٹی کو کیس سے ڈسچارج کیا، پرویزالٰہی کے وزیراعلیٰ بننے سے پہلے پرنسپل سیکرٹری کا نوٹیفکیشن ہوا۔

درخواست میں مؤقف اختیار کیا گیا کہ وزیر اعلیٰ کے پرنسپل سیکرٹری کا نوٹی فکیشن چیف سیکرٹری پنجاب نے جاری کیا۔ اس مقدمے میں چیف سیکرٹری کو فریق ہی نہیں بنایا گیا۔یہ کیس سیاسی بنیادوں پر قائم کیا گیا ہے۔

بعد ازاں عدالت نے فریقین کے دلائل سننے کے بعد پرویز الٰہی کی ضمانت منظور کرلی اور انہیں ایک لاکھ روپے کے ضمانتی مچلکے جمع کرانے کا حکم دیا ہے۔