سفارقی تعلقات کشیدہ، برازیل نے اسرائیل سے اپنے سفیر کو واپس طلب کرلیا

اسرائیل اور برازیل کے درمیان سفارتی کشیدگی برقرار، برازیل کے صدر لوئیز اناسیو لولا دا سلوا نے پیر کو تل ابیب میں اپنے سفیر کو واپس طلب کرلیا۔

سفیر فریڈریکو مائر کو اسرائیلی وزارت خارجہ میں طلب کئے جانے اور سرزنش کیے جانے کے چند گھنٹے بعد واپس بلایا گیا۔

غیر ملکی خبر رساں ایجنسی کے مطابق برازیلی صدر نے اسرائیل پر غزہ میں نسل کشی کا الزام لگایا اور اس کی فوجی مہم جوئی کو دوسری جنگ عظیم کے دوران یہودیوں کے ساتھ ہٹلر کے سلوک سے تشبیہ دی۔

انہوں نے گذشتہ اتوار کو ایتھوپیا کے دارالحکومت عدیس ابابا کے دورے کے دوران صحافیوں سے بات کرتے ہوئے کہا کہ کیا ہو رہا ہے، غزہ میں نسل کشی ہے، یہ فوج کی فوج کے درمیان جنگ نہیں بلکہ ایک انتہائی تیار فوج اور خواتین اور بچوں کے درمیان ہے، جس کی تاریخ میں کوئی مثال نہیں ملتی۔ سوائے جب ہٹلر نے یہودیوں کو مارنے کا فیصلہ کیا۔

اسرائیلی وزیر خارجہ یسرائیل کاٹز نے اگلے ہی دن برازیل کے سفیر کو فوری طور پر طلب کیا، ان کی سرزنش کی۔