میاں اسلم اقبال کی گرفتاری کی کوشش پر آئی جی کے پی کو افسران کے خلاف کارروائی کا حکم

پشاور ہائیکورٹ نے پی ٹی آئی رہنما اسلم اقبال کی گرفتاری کی کوشش کے خلاف توہین عدالت کیس کا تحریری حکم نامہ جاری کرتے ہوئے آئی جی خیبر پختونخوا سے 14 دن میں جواب طلب کر لیا۔

تحریری حکم نامے میں کہا گیا ہے کہ آئی جی خیبر پختونخوا ہائی کورٹ کا 21 فروری کا آرڈر پنجاب کے آئی جی اور سیکرٹری داخلہ کو پہنچا دیں۔

پنجاب پولیس نے اگر میاں اسلم اقبال کو گرفتار کرنے کی کوشش کی تو آئی جی کے پی کے ان افسران کے خلاف کارروائی کریں۔ ایڈیشنل ایڈووکیٹ جنرل آئی کی خیبر پختونخوا کو یہ آرڈر بھی پہنچا دیں۔

عدالت کے باہر میڈیا سے گفتگو کرتے ہوئے میاں اسلم اقبال کے وکیل نے کہا کہ ضمانت ملنے کے باوجود پنجاب پولیس نے میاں اسلم کو روکا، اسپیکر ہاؤس کے قریب گرفتار کرنے کی کوشش کی، پی ٹی آئی نے میاں اسلم کو وزیراعلی پنجاب کیلیے امیدوار نامزد کررکھا ہے۔