جی این این سوشل

تجارت

پاکستان اسٹاک ایکسچینج میں کاروبار کے آغاز سے ہی نمایاں تیزی

پاکستان اسٹاک مارکیٹ میں 63 ہزار پوائنٹس کی حد بحال ہوگئی

پر شائع ہوا

کی طرف سے

پاکستان اسٹاک ایکسچینج میں کاروبار کے آغاز سے ہی نمایاں تیزی
جی این این میڈیا: نمائندہ تصویر

پاکستان اسٹاک ایکسچینج میں کاروبار کے آغاز سے ہی نمایاں تیزی دیکھی جارہی ہے۔

اسٹاک بروکرز کےمطابق پاکستان اسٹاک مارکیٹ میں 63 ہزار پوائنٹس کی حد بحال ہوگئی، 100انڈیکس 707 پوائنٹس بڑھ کر 63525 پوائنٹس پر پہنچ گیا۔

گزشتہ روز کاروبار کے اختتام پر اسٹاک مارکیٹ 62 ہزار  815 پوائنٹس پر بند ہوا تھا۔

جرم

وفاقی وزیر داخلہ  محسن نقوی کی ڈیرہ اسماعیل خان میں کسٹم اہلکاروں پر فائرنگ کی شدید مذمت

وزیر داخلہ محسن نقوی نے ایک بیان میں سمگلنگ کی روک تھام کے دوران اپنی جانوں کا نذرانہ پیش کرنے والے اہلکاروں کو زبردست خراج عقیدت پیش کیا

پر شائع ہوا

ویب ڈیسک

کی طرف سے

وفاقی وزیر داخلہ  محسن نقوی  کی  ڈیرہ اسماعیل خان میں  کسٹم اہلکاروں  پر فائرنگ کی شدید مذمت

اسلام آباد: وفاقی وزیر داخلہ  محسن نقوی نے ڈیرہ اسماعیل خان میں یارک پولیس اسٹیشن کے قریب کسٹم اہلکاروں پر فائرنگ کے واقعے کی شدید مذمت کی ہے۔

وفاقی وزیر داخلہ محسن نقوی نے فائرنگ سے 3 کسٹم اہلکاروں کی شہادت پر دکھ اور افسوس کا اظہار کیا ہے۔ محسن نقوی نے شہداء کے لواحقین سے دلی تعزیت کا اظہار کیا ہے۔ وفاقی وزیر داخلہ نے شہداء اور ان کے اہل خانہ سے اظہار تعزیت کیا ہے۔ انہوں نے صبر کی دعا کی۔ انہوں نے کہا کہ وہ زخمیوں کی جلد صحت یابی کے لیے دعا گو ہیں۔ وہ شہید کسٹم انسپکٹر حسنین ترندی، کانسٹیبل زیاد خان اور ملازم محمد عامر کے اہل خانہ کے غم میں برابر کے شریک ہیں۔


وزیر داخلہ محسن نقوی نے ایک بیان میں سمگلنگ کی روک تھام کے دوران اپنی جانوں کا نذرانہ پیش کرنے والے اہلکاروں کو زبردست خراج عقیدت پیش کرتے ہوئے کہا کہ شہداء کی عظیم قربانیاں رائیگاں نہیں جائیں گی۔ سمگلنگ میں ملوث افراد کے خلاف سخت کارروائی کی جائے گی۔

پڑھنا جاری رکھیں

پاکستان

وزیرخزانہ کی واشنگٹن میں ایس اینڈ پی گلوبل اورفچ ریٹنگ کے نمائندوں سے ملاقات

وفاقی وزیرخزانہ نے ٹیکس، توانائی اورنجکاری کے ترجیحی شعبوں میں جاری قلیل ،وسط اورطویل مدتی اصلاحات کواجاگر کیا

پر شائع ہوا

ویب ڈیسک

کی طرف سے

وزیرخزانہ کی واشنگٹن میں ایس اینڈ پی گلوبل اورفچ ریٹنگ کے نمائندوں سے ملاقات

وزیرخزانہ محمداورنگزیب نے واشنگٹن میں ایس اینڈ پی گلوبل اورفچ ریٹنگ کے نمائندوں سے ملاقات کی۔انہوں نے عالمی مالیاتی فنڈ کے ساتھ مالیاتی تعاون کے قلیل مدتی قرض پروگرام کے بعد ملک میں مثبت اقتصادی اشاریوں پرپیشرفت کے بارے میں انہیں آگاہ کیا۔

وفاقی وزیرخزانہ نے ٹیکس، توانائی اورنجکاری کے ترجیحی شعبوں میں جاری قلیل ،وسط اورطویل مدتی اصلاحات کواجاگر کیا۔انہوں نے اس بات کااعادہ کیاکہ موسمیاتی تبدیلی، ڈیجیٹلائزیشن اور انسانی ترقی کے بارے میں عالمی بینک کاایجنڈا حکومتی ترجیحات سے مطابقت رکھتاہے۔

انہوں نے سعودی عرب کی جانب سے ملک میں مختلف شعبوں میں سرمایہ کاری کے امکانات کا بھی ذکرکیااور کہاکہ اس سلسلے میں معاہدوں کو حتمی شکل دی جارہی ہے۔وزیرخزانہ نے بیرونی قرضوں،افراط زر ، ادائیگیوں کے توازن اورشرح منافع کے بارے میں مالیاتی درجہ بندی کے اداروں کے تحفظات کو دورکیا۔

 

پڑھنا جاری رکھیں

پاکستان

ضمنی الیکشن کے لیے پولنگ کا وقت ختم، ووٹوں کی گنتی شروع

قومی اسمبلی کی 5 جبکہ صوبائی اسمبلی کی 16 نشستوں پر ووٹنگ ہوئی

پر شائع ہوا

ویب ڈیسک

کی طرف سے

ضمنی الیکشن کے لیے پولنگ کا وقت ختم، ووٹوں کی گنتی شروع

ملک میں قومی و صوبائی اسمبلی کے 21 حلقوں میں ضمنی الیکشن کے لیے پولنگ کا وقت ختم، ووٹوں کی گنتی شروع ہو گئی، پنجاب میں ووٹنگ کےدوران جگہ جگہ فائرنگ اور تصادم کے واقعات پیش آئے۔

قومی اسمبلی کی 5 اور صوبائی اسمبلی کی 16 نشستوں پر پولنگ صبح 8 بجے شروع ہوئی جو شام 5 بجے تک بغیر کسی وقفے کے جاری رہی۔

پولنگ کا وقت ختم ہونے کے بعد  پولنگ اسٹیشنزکے احاطے میں موجود افراد ووٹ ڈال سکیں گے۔

پولنگ کے دوران پنجاب میں کچھ مقامات پر سیاسی جماعتوں کے کارکنان کے درمیان تصادم کی اطلاعات بھی موصول ہوئیں۔

صوبائی اسمبلی کی نشست 139 شیخوپورہ میں پولنگ اسٹیشن کے باہر سنی اتحاد کونسل اور مسلم لیگ ن کے کارکنوں کے درمیان جھگڑا ہوا، مخالف کارکنوں نے ایک دوسرے کو مکےاور تھپڑ مارے جس کے باعث 3 افراد زخمی ہوئے۔

اس حوالے سے پولیس کا کہنا ہے کہ جھگڑاگورنمنٹ بوائز ہائی اسکول گاؤں نظام پورڈاکاکے پولنگ اسٹیشن کے باہر ہوا، جھگڑا انتخابی کیمپ لگانےکی جگہ کی وجہ سے ہوا، 2 افراد کو حراست میں لیا گیا ہے، جھگڑےکے بعد پولنگ دوبارہ شروع ہوگئی ہے۔

ادھر این 119 میں بھی سنی اتحادکونسل اور ن لیگ کےکارکنوں میں جھگڑا ہوا، تصادم پولنگ اسٹیشن نمبر 171 لاہور کالج میں ہوا، کارکنان نے ایک دوسرے کے گریبان پکڑ کر گھسیٹا۔

پولیس اہلکار جھگڑا کرنے والےکارکنوں کو اپنے کیمپ میں لےگئے اور جھگڑا ختم کروا دیا۔

ادھر نارووال میں بھی سنی اتحاد کونسل اور مسلم لیگ ن کے کارکنوں کے درمیان جھگڑا ہوا جس میں سر پر ڈنڈا لگنے سے لیگی کارکن محمد یوسف جاں بحق ہو گیا۔

قومی اسمبلی کے جن حلقوں میں ضمنی انتخاب ہورہا ہے ان میں پنجاب کے 2، خیبر پختونخوا کے 2 اور سندھ کا ایک حلقہ شامل ہے۔

صوبائی اسمبلیوں کی جن نشستوں پر ضمنی الیکشن ہو رہا ہے اس میں پنجاب اسمبلی کی 12،خیبرپختونخوا اور بلوچستان اسمبلی کی 2، 2  نشستیں شامل ہیں۔

الیکشن کمیشن کی درخواست پروفاقی حکومت نے سول آرمڈ فورسزاور فوج تعینات کرنےکی منظوری دے دی ہے ۔پولیس سکیورٹی کے پہلے، سول آرمڈ فورسز دوسرے جبکہ پاک فوج کے اہل کار تیسرے حصار میں فرائض انجام دیں گے۔

دوسری جانب ضمنی انتخابات کے دوران بلوچستان اور پنجاب کے چند اضلاع میں موبائل فون سروس معطل رہے گی۔

پی ٹی اے کی جانب سے جاری اعلامیے کے مطابق وزارت داخلہ ،حکومت پاکستان کی ہدایات کی روشنی میں ضمنی انتخابات کے دوران پنجاب اور بلوچستان کے چند اضلاع میں موبائل فون سروس عارضی طور پر معطل رہے گی۔ 

اعلامیے میں کہا گیا ہے کہ موبائل فون سروس بند کرنے کا فیصلہ انتخابی عمل کو بلا تعطل اور شفاف انداز میں پایہ تکمیل تک پہنچانے کے لیے کیا گیا ہے۔

پڑھنا جاری رکھیں

ٹرینڈنگ

Take a poll