اسلام آباد فوڈ اتھارٹی نے فوڈ لائسنس کے اجراکا آغاز کر دیا

اسلام آباد: اسلام آباد فوڈ اتھارٹی نے فوڈ لائسنس کے اجرا کا آغاز کر دیا ہے۔ ترجمان آئی سی ٹی کے مطابق خوراک سے منسلک تمام کاروباری حضرات کے پاس فوڈ لائسنس ہونا ضروری ہے۔

ا س ضمن میں اسلام آباد فوڈ اتھارٹی نے فوڈ لائسنس کا اجرا شروع کر دیا ہے۔ لائسنس حاصل کرنے والے دو تصاویر ، اصل شناختی کارڈ اور ایک کاپی کے ہمراہ فوڈ اتھارٹی اسلام آباد کے آفس تشریف لائیں ۔ اسلام آباد فوڈ اتھارٹی شہریوں کی صحت اور صاف خوراک کے لئے کوشاں ہے۔

فارم اسلام آباد فوڈ اتھارٹی کے آفس ملٹی پرپز سپورٹس سنٹر، ایف 6 مرکز، اسلام آباد میں دستیاب ہوگا۔