پاکستان علاقائی سالمیت کے تحفظ کے لیے پرعزم ہے، انوار الحق کاکڑ

آپریشن سوئفٹ ریٹورٹ” کے پانچ سال مکمل ہونے پر نگران وزیراعظم انوار الحق کاکڑ نے ایک پیغام جاری کردیا۔

نگران وزیراعظم انوار الحق کاکڑ نے اپنے بیان میں کہا  کہ ہم پاکستان کی مسلح افواج کی پیشہ ورانہ مہارت اور عزم کو خراج تحسین پیش کرتے ہیں جنہوں نے آج کے دن بھارت کے دعوؤں کو جھوٹا اور غلط ثابت کرتے ہوئے اپنی آپریشنل برتری کا عملی مظاہرہ کیا تھا ۔

نگران وزیر اعظم انوار الحق کاکڑ نے کہا کہ کسی کو کچھ شک نہیں ہونا چاہیے کہ پاکستان ایک امن پسند ملک ہے جو اپنی خودمختاری اور علاقائی سالمیت کے تحفظ کے لیے پرعزم ہے؛ ہم کسی بھی جارحیت کا بھرپور جواب دیں گے۔