تمام سیاسی جماعتوں کو ساتھ لیکر چلیں گے ، نامزد وزیر اعلی بلو چستان

بلوچستان : نامزد وزیر اعلیٰ بلوچستان میر سرفراز بگٹی نے کہا ہے کہ بلوچستان کی گورننس کو بہتر بنائیں گے ۔ 

سرفراز بگٹی نے بلوچستان اسمبلی کے باہر میڈیا سے گفتگو کرتے ہوئے کہا کہ پیپلز پارٹی اور آصف زرداری، بلاول بھٹو اور صوبائی قیادت کا شکر گزار ہوں،انہوں نے کہا کہ پوری کوشش ہوگی کہ اتحادیوں کو ساتھ لیکر چلیں۔

انہوں نے کہا کہ بلوچستان کی گورننس کو بہتر بنائیں گے، ڈھائی سال والے فارمولے کے حوالے سے مرکزی قیادت بہتر بتا سکتی ہے، پیپلز پارٹی ڈائیلاگ کو ترجیح دے گی۔

نامزد وزیراعلیٰ سرفراز بگٹی نے مزید کہا کہ جمعیت کی مجلس عاملہ نے کسی بھی حکومت کا حصہ نہ بننے کا فیصلہ کیا ہے۔