دنیا
سعودی وزارت اسلامی امور کی جانب سے مسقط کتب میلہ میں 10 ہزار قرآن کریم کے نسخے تقسیم
میلے میں قرآن کریم کے 77 زبانوں میں ترجمہ شدہ نسخے رکھے گئے تھے
![سعودی وزارت اسلامی امور کی جانب سے مسقط کتب میلہ میں 10 ہزار قرآن کریم کے نسخے تقسیم](/media/97732/conversions/quran-1280x720.jpg)
مسقط: سعودی وزارت اسلامی امور کی جانب سے مسقط میں منعقدہ عالمی کتب میلے میں شاہ فہد پرنٹنگ پریس کے تیار کردہ 10 ہزار قرآن کریم کے نسخے تقسیم کیے گئے۔
سعودی خبر رساں ایجنسی ایس پی اے کے مطابق عمان کے دار الحکومت مسقط میں گزشتہ ماہ کے آخری ہفتے میں عالمی کتب میلے کے 28ویں ایڈیشن کا افتتاح کیا گیا جو دو ہفتے جاری رہا۔کتب میلے میں سعودی عرب کی وزارت اسلامی امور و دعوت و الارشاد کی جانب سے بھی خصوصی سٹال لگایا گیا جس میں شاہ فہد پرنٹنگ پریس کے تیار کردہ 10 ہزار قرآن کریم کے نسخے تقسیم کیے گئے۔
میلے میں قرآن کریم کے 77 زبانوں میں ترجمہ شدہ نسخے رکھے گئے تھے۔ وزارت کے سٹال پر مدینہ منورہ پرنٹنگ پریس کے حوالے سے بھی زائرین کو کافی تفصیل سے آگاہی فراہم کی گئی جس میں انہیں قرآن کریم کی طباعت اور ترجمہ کے مراحل کے بارے میں معلومات فراہم کی گئی۔
سٹال پر آنے والوں کو تھری ڈی ٹیکنالوجی کے ذریعے مناسک حج و عمرہ کے حوالے سے بھی آگاہ کیا گیا جس کا مقصد لوگوں کو درست طریقے سے حج و عمرہ کے ارکان کے بارے میں مطلع کرنا تھا۔
علاقائی
خیبرپختونخوا میں بارشوں سے 24 افراد جاں بحق
پی ڈی ایم اے ،ضلعی انتظامیہ اور امدادی ٹیمیں متاثرہ علاقوں میں امداد اور بچائو کی کارروائیوں میں مصروف ہیں
![خیبرپختونخوا میں بارشوں سے 24 افراد جاں بحق](/media/113513/conversions/kpk-1280x720.jpg)
پشاور : خیبرپختونخوا میں گزشتہ 3 روز کے دوران بارش کے باعث مختلف واقعات میں 24 افراد جاں بحق جبکہ 17 زخمی ہوگئے ہیں ۔
قدرتی آفات سے نمٹنے کے صوبائی ادارے کے مطابق بارش کی وجہ سے کوہاٹ، پشاور، ڈیرہ اسماعیل خان، ہزارہ اور مالاکنڈ ڈویژن میں تہتر مکان مکمل تباہ ہوئے جبکہ ستتر مکانوں کو جزوی نقصان پہنچا ہے۔
پی ڈی ایم اے ،ضلعی انتظامیہ اور امدادی ٹیمیں متاثرہ علاقوں میں امداد اور بچائو کی کارروائیوں میں مصروف ہیں۔
عوام کسی بھی ہنگامی صورت میں ہیلپ لائن نمبر1700 پر رابطہ کرسکتے ہیں۔
تجارت
پاکستان ریلوے کا مسافر ٹرینوں کے کرایوں میں کمی کا اعلان
کرایوں میں کمی تمام مسافر ٹرینوں کی تمام کلاسز کیلئے کی گئی ہے، ترجمان ریلویز
![پاکستان ریلوے کا مسافر ٹرینوں کے کرایوں میں کمی کا اعلان](/media/113520/conversions/374225_1807379_updates-1280x720.jpg)
پاکستان ریلوے نے مسافر ٹرینوں کے کرایوں میں کمی کر دی۔
ترجمان ریلویز کے مطابق کمی تمام مسافر ٹرینوں کی تمام کلاسز کیلئے کی گئی ہے۔
ترجمان ریلویز کا کہنا ہے کہ اے سی کلاس ٹکٹ میں 100 سے 150 روپے تک جبکہ اکانومی کلاس کے کرایوں میں 50 روپے تک کمی کی گئی ہے۔
ترجمان ریلویز کے مطابق کمی کا اطلاق ہفتہ 3 اگست سے تمام مسافر ٹرینوں پر ہوگا۔
تجارت
ملک میں سونے کی فی تولہ قیمت میں سیکڑوں روپے کا اضافہ
سونے کی فی تولہ قیمت 1400 روپے کے اضافے سے 2 لاکھ 54 ہزار 900 روپے ہو گئی
![ملک میں سونے کی فی تولہ قیمت میں سیکڑوں روپے کا اضافہ](/media/113500/conversions/2677810-goldprice-1722510240-606-640x480-1280x720.jpg)
عالمی مارکیٹ میں سونے کے نرخ بڑھنے کے بعد جمعرات کو پاکستان میں بھی سونے کی قیمتوں میں اضافہ ریکارڈ کیا گیا۔
آل پاکستان جیمز اینڈ جیولرز صرافہ ایسوسی ایشن (اے پی جی جے ایس اے) کے مطابق مقامی مارکیٹ میں سونے کی فی تولہ قیمت 1400 روپے کے اضافے سے 2 لاکھ 54 ہزار 900 روپے ہو گئی جبکہ 10 گرام سونے کی قیمت 1201 روپے اضافے کے بعد 2 لاکھ 18 ہزار 536 روپے ہوگئی۔
بدھ کو سونے کی فی تولہ قیمت میں 1200 روپے کا اضافہ ہوا تھا۔
اے پی جی جے ایس اے کے مطابق دن کے دوران 17 ڈالر اضافے کے بعد فی اونس قیمت 2،432 ڈالر ہوگئی ہے۔ دوسری جانب چاندی کی فی تولہ قیمت 2900 روپے پر مستحکم رہی۔
رواں ماہ کے اوائل میں پاکستان میں سونے کی فی تولہ قیمت 4 ہزار 600 روپے اضافے کے بعد مقامی مارکیٹ میں 2 لاکھ 54 ہزار روپے کی بلند ترین سطح پر پہنچ گئی تھی۔
-
صحت 2 دن پہلے
یاسمین راشد کی طبیعت ناساز ، جیل سے ہسپتال منتقل
-
تجارت 2 دن پہلے
فچ کی رپورٹ کے مطابق پاکستان کی کریڈٹ ریٹنگ میں بہتری آرہی ہے ، وزیر خزانہ
-
تجارت 2 دن پہلے
ملک میں سونے کی قیمت میں معمولی کمی
-
تجارت ایک دن پہلے
چیئرمین ایف بی آر کا قبل ازوقت ریٹائرمنٹ کا فیصلہ
-
علاقائی 2 دن پہلے
ژوب میں زلزلہ: شہری خوفزدہ، گھروں سے باہر نکل آئے
-
دنیا 4 گھنٹے پہلے
بی جے پی کے 18 ممبرز کو اٹھا کر اسمبلی سے باہر پھینکوا دیا گیا
-
جرم ایک دن پہلے
درہ آدم خیل : بار ش کے ریلے کا پانی 11 افراد کی جان لے گیا
-
پاکستان ایک دن پہلے
گوجرانوالہ : ڈسٹرکٹ اینڈ سیشن عدالت نے عالیہ حمزہ کی ضمانت منظور کرلی