سرفراز بگٹی کاد ورہ گوادر ، متاثرین میں امدادی سامان تقسیم

کوئٹہ : وزیراعلیٰ بلوچستان میرسرفراز احمد بگٹی نے گوادر  کادورہ کیا ، انہوں نے بارش سے متاثرہ افراد میں امدادی اشیا تقسیم کیں۔

وزیر اعلیٰ بلوچستان میر سرفراز احمد بگٹی نے دورے کے بعد میڈیا سے بات چیت کرتے ہوئے کہا کہ کل تک گوادر شہرسے پانی کی نکاسی کا عمل مکمل ہوجائے گا، نقصان کے تعین کے لئے کمیٹی تشکیل دے دی گئی ہے جو20 روز کے اندر مکمل رپورٹ پیش کرے گی ، بارشوں اور سیلابی پانی سے سینکڑوں گھروں کو نقصان پہنچا۔

 میرسرفرازاحمد بگٹی کاکہنا تھاکہ متاثرین کی بحالی تک انہیں تنہا نہیں چھوڑیں گے۔ پہلا مرحلہ ریسکیو دوسرا متاثرین کی بحالی کا ہے۔ آبادی سے بارشوں کے پانی کا اخراج اور معمولات زندگی کی بحالی کے لئے ہنگامی اقدامات جاری ہیں۔