خواتین کی معاشی خود مختاری کو یقینی بنانے کیلئے سینیٹ قرارداد

اسلام آباد : سینیٹ کا اجلا س ڈپٹی چیئرمین مرزا محمد آفریدی کے زیرصدارت پارلیمنٹ ہائوس کا اجلاس  اسلام آباد میں  شروع ہوا۔

سینٹ نے آج ایک قرارداد منظور کی جس میں حکومت کو خواتین کی معاشی شمولیت کو یقینی بنانے اور بڑھانے کیلئے اقدامات کی سفارش کی گئی ہے۔

ایوان نے تمام شراکت داروں بشمول حکومتی ادارے، سول سوسائٹی تنظیموں، نجی شعبے، ذرائع ابلاغ، ماہرین تعلیم اور دیگر افراد پر بھی زور دیا کہ وہ صنفی امتیاز کے خاتمے اور خواتین کو بااختیار بنانے کیلئے اجتماعی کوشش کریں۔

سینیٹر سیمی ایزدی کی طرف سے پیش کی گئی قرارداد میں موثر تعلیم اور ہنر مندی کے پروگراموں کے ذریعے خواتین کی صلاحیتوں کے مواقع پر زور دیا گیا۔

ایوان بالا نے وفاقی حکومت سے سابق وزیراعظم شہید ذوالفقار علی بھٹو کو قومی ہیرو قرار دینے کا مطالبہ کرتے ہوئے ایک اور قرارداد کی مشترکہ طور پر منظوری دی ہے۔

ایوان نے ذوالفقار علی بھٹو کو سرکاری طور پر شہید قرار دینے کا بھی مطالبہ کیا۔ جمہوریت کیلئےلڑنے اور اپنی جانیں قربان کرنے والے سیاسی اور سماجی کارکنوں کو نشانِ ذوالفقار علی بھٹو سے نوازا جائے۔