اسٹینڈ بائی پروگرام پر مذاکرات کےلئے آئی ایم ایف کا وفد آج رات پاکستان پہنچے گا

عالمی مالیاتی فنڈ (آئی ایم ایف) کا وفد آج رات پاکستان پہنچے گا، وفد سٹینڈ بائی پروگرام کے تحت اگلی قسط جاری کرنے کے لئے مذاکرات کرےگا۔

ذرائع کے مطابق آئی ایم ایف موجودہ اور نئے قرض پروگرام پر بات چیت کرے گا،موجودہ پروگرام کی آخری قسم سے متعلق بھی بات چیت کی جائے گا جس کے تحت 1.1 ارب ڈالرملیں گے۔ 4 روز تک جاری رہنے والے مذاکرات میں اقتصادی جائزہ لیا جائے گا

آئی ایم ایف سے مذاکرات 14 سے 18 مارچ تک ہوں گے، مذاکرات کی کامیابی کی صورت میں 1.1 ارب ڈالر کی قسط جاری کرنےکا فیصلہ ہوگا۔ آئی ایم ایف جائزہ مشن کے دورے کے دوران نئے قرض پروگرام کے بارے میں بات چیت بھی متوقع ہے۔ آئی ایم ایف کا نیا قرض پروگرام 6 سے 8 ارب ڈالر کا ہو سکتا ہے۔

اس حوالے سے وزیر خزانہ اورنگزیب کی صدارت میں وزارت خزانہ میں اجلاس ہوا جس میں آئی ایم ایف جائزہ مشن کے ساتھ مذاکرات کا جائزہ لیا گیا۔

وزیر خزانہ محمد اورنگزیب کا کہنا ہے کہ پاکستان کے لئے آئی ایم ایف پروگرام ناگزیر ہے، باتیں نہیں کام کرنا ہے، تمام توانائیاں پاکستان کو مشکلات سے نکالنے کے لئے استعمال کریں گے۔موجودہ مالی سال 2024 ایک مشکل سال ہوگا لیکن جلد تمام مسائل پر گفتگو کےلئے میڈیا کے ساتھ بیٹھیں گے، اپنی تمام ترتوانائیاں پاکستان کو درپیش مشکلا ت کے حل کےلئے استعمال کروں گا، اب باتیں زیادہ ہورہی ہیں لیکن اب ایکشن کا وقت آگیا ہے۔