ہمارےساتھ سیاست نہ کی جائے، انصاف کیا جائے: جہانگیرترین

تفصیلات کے مطابق  لاہور  سیشن کورٹ  میں پیشی کے بعد میڈیا سے گفتگو کرتے ہوئے  جہانگیر ترین نے کہا  کہ عدالت کے چکر لگاتے ہوئےدوسےڈھائی ماہ ہوچکےہیں، کچھ دوست یکجہتی کیلئےاکٹھے ہوئے جو آج بھی کھڑےہیں، تمام دوستوں نے وزیراعظم سے ملاقات کیلئےوقت مانگا تھا،   وزیراعظم نے انصاف کا وعدہ کیا تھا،بہت دن گزر گئے، اب انصاف مل جاناچاہئے۔

ان کاکہنا تھا کہ کچھ باتیں معلوم ہیں جو میڈیامیں نہیں بتاناچاہتا، یہ قیاس آرائیاں ہیں  کہ علی ظفر نے وزیراعظم کو زبانی رپورٹ دیدی ، یہ بھی قیاس آرائیاں ہیں کہ وہ رپورٹ میرے لیے مثبت ہے ۔جہانگیر ترین نے کہاکہ  وزیراعظم نےانصاف کا وعدہ کیاتھا، بہت دن گزر گئے اب انصاف مل جانا چاہئے،  عمران خان نے بیرسٹر علی ظفر کو تفتیش کےلیے مقرر کیا تھا، علی ظفر نے رپورٹ میں جو بھی کہاوہ منظر عام پر لایاجائےاورایکشن لیاجائے،کچھ باتیں معلوم ہیں  جو رپورٹ آنےکےبعدواضح کروں  گا۔ پی ٹی آئی رہنما نے کہا کہ  کسی حکومتی اعلیٰ عہدیدار سے ملاقات نہیں ہوئی ،اس میں کوئی صداقت نہیں، عدالت میں کیس لڑ رہے ہیں، علی ظفرکی رپورٹ کاانتظارکر رہےہیں، ہمارےساتھ سیاست نہ کی جائے، انصاف کیا جائے۔

خیال رہے کہ سیشن  کورٹ لاہور  نے شوگر سکینڈل اور منی لانڈرنگ کیسز میں   پاکستان تحریک انصاف کے رہنما  جہانگیر ترین اور ان کے بیٹے علی ترین کی  عبوری ضمانتوں میں 11جون تک توسیع کر دی ہے ۔