پنجاب حکومت کا عوام کی خدمت کیلئے ایک اوراہم قدم

تفصیلات کے مطابق وزیراعلیٰ پنجاب  عثمان بزدار  وزیر اعلیٰ آفس میں  خدمت آپ کی دہلیز پر پروگرام کا باضابطہ افتتاح کریں گے ۔اس    پروگرام کا پہلا مرحلہ تین ہفتے پر مشتمل ہو گاجس میں پہلا ہفتہ صفائی، دوسرا نکاسی آب اور تیسرا سرکاری عمارتوں کی صفائی  کیلئے مختص کیا گیا ہے ۔

وزیراعلی پنجاب  عثمان بزدار    نے کہا ہے کہ اس پروگرام سے نچلی سطح پر پبلک سروس ڈلیوری بہتر ہو گی  اور  عوام ان کی دہلیز پر بنیادی سہولتیں مہیا ہوں گی ۔ خدمت آپ کی دہلیز پر صرف ایک  پروگرام نہیں بلکہ عوام کی خدمت کا منفرد ترین وژن ہے۔ تحریک انصاف کی حکومت عوام کو ریلیف دینے کے لیے آئندہ بھی اسطرح کے اقدامات جاری رکھے گی۔ اس حوالے سے ”خدمت آپکی دہلیز پر“ کے نام سے ایپ تیار کرلی گئی  ہے ،شہری ایپ پلے سٹور سے ڈاؤن لوڈ کر سکتے ہیں۔