وزیر اعظم شہبا ز شریف کا مسلم لیگ ن اسلام آباد کے صدر راجہ وقار ممتاز کے انتقال پر گہرے دکھ کا اظہار

وزیراعظم محمد شہباز شریف نے مسلم لیگ ن اسلام آباد کے صدر راجہ وقار ممتاز کے انتقال پر گہرے رنج و غم کا اظہار کیا ہے۔

انہوں نے اپنے تعزیتی پیغام میں سوگوار خاندان سے تعزیت کی اور دعا کی کہ اللہ تعالیٰ مرحوم کو اپنے جوارِ رحمت میں جگہ دے۔

وزیر اطلاعات و نشریات عطاء اللہ تارڑ نے بھی مسلم لیگ ن اسلام آباد کے صدر راجہ وقار ممتاز کی وفات پر گہرے دکھ اور افسوس کا اظہار کیا ہے۔انہوں نے اپنے تعزیتی پیغام میں سوگوار خاندان سے تعزیت کی اور مرحوم کے ایصال ثواب کیلئے دعا کی۔

انہوں نے کہا کہ راجہ وقار ممتاز پارٹی کے ایک مخلص اور عظیم کارکن تھے اور ان کے انتقال سے پارٹی کو ناقابل تلافی نقصان ہوا ہے۔انہوں نے کہا کہ پارٹی کیلئے راجہ وقار ممتاز کی گرانقدر خدمات ہمیشہ یاد رکھی جائیں گی۔