ساہیوال : خوفناک ٹریفک حادثہ بچے کی جان لے گیا

جی این این کے مطابق  افسوس ناک واقعہ پاکپتن چوک کے قریب پیش آیا جہاں  تیز رفتار ٹرک نے  موٹر سائیکل کو ٹکر  مار دی جس  کے نتیجے میں موٹرسائیکل پر سوار پانچ ماہ کا بچہ جاں بحق  ہوگیا جبکہ میاں بیوی زخمی ہوگئے ۔ حادثے کے بعد ٹرک ڈرائیور موقع سے فرار ہوگیا ۔ اطلاع ملتے ہی ریسکیو اور پولیس جائے حادثہ پر پہنچ گئے ۔ ساہیوال غلہ منڈی پولیس   کی جانب سے تفتیش  کی جارہی ہے ۔