روس اور پاکستانی انتخابات کا موازنہ، امریکی نائب ترجمان کا سخت ردعمل

روسی اور پاکستان انتخابات کے موازنے سے متعلق پوچھے گئے سوال پر امریکی محکمہ خارجہ کے نائب ترجمان نے سخت ردعمل کا اظہار کرتے ہوئے کہا کہ  دونوں انتخابات میں جمہوری عمل کا موازنہ کرنے پر ایشو اٹھاؤں گا۔

واشنگٹن میں امریکی محکمہ خارجہ کے نائب ترجمان ویدانت پٹیل کا اپنی پریس بریفنگ کے دوران کہا ک یہ وہ فیصلے ہیں جو ان ممالک کے عوام کو کرنے چاہئیں، ان ممالک کے لوگوں کے پاس انتخاب، معلومات تک رسائی ہونی چاہیے۔ 

ویدانت پٹیل کا کہنا تھا کہ پاکستان میں میڈیا بہت مضبوط ہیں اور اختلافاتی خیالات کےلئے کھلا ہے جبکہ روس میں اختلافی آوازوں کو دبانے اور خاموش کرنے کا واضح ریکارڈ موجود ہے۔

نائب ترجمان نے مزید کہا کہ انسدادِ دہشت گردی کے لیے پاکستان سے مسلسل رابطے میں ہیں۔ افغانستان کو دہشت گردوں کی محفوظ پناہ گاہ بنتا نہیں دیکھنا چاہتے۔

ویدانت پٹیل نے کہا کہ لوگوں کو انتخاب اور معلومات تک رسائی کی آزادی ہونی چاہیے جو ان کے فیصلہ کرنے میں مددکریں۔