عالمی برادری غزہ میں فوری جنگ بندی کے لئے اقدامات کرے، چین

چین نے عالمی برادری پرزوردیاہے کہ وہ غزہ میں فوری جنگ بندی کے لئے اقدامات کرے۔

چینی وزارت خارجہ کے ترجمان Lin Jian نے نیوزبریفنگ کے دوران بتایا کہ فوری جنگ بندی ،شہریوں کی زندگیوں کوبچانے کے لئے ہرممکن اقدامات، مزیدانسانی زندگیوں کے ضیاع کی روک تھام اورغزہ میں انسانی بحران پرقابوپانااُس کی اولین ترجیحات میں شامل ہونے چاہئیں۔

یاد رہے کہ 7 اکتوبر کو حماس کے اسرائیل پر حملوں اور اسرائیل کی جانب سے جواباً غزہ کو نشانہ بنائے جانے کے بعد سے پورے مشرق وسطیٰ میں تشدد میں اضافہ ہوا ہے، جبکہ  حماس کی کارروائی میں لگ بھگ 1200افراد ہلاک ہوئے جبکہ غزہ پر اسرائیلی حملوں میں 35 ہزار سے زیادہ لوگ مارے جا چکے ہیں۔