عام انتخابات میں شکست سے دوچار سائرہ افضل تارڑ مخصوص نشست پر ایم این اے منتخب

عام انتخابات میں این اے 67 حافظ آباد سے شکست کھانے والی لیگی رہنما سائرہ افضل تارڑ مخصوص نشست پر ایم این اے منتخب ہوگئیں۔

پاکستان مسلم لیگ (ن) کی سینیئر رہنما سائرہ افضل تارڑ کو مخصوص نشست ملنے کے بعد ضلع حافظ آباد میں خواتین ایم این ایز کی تعداد تین ہوگئی ہے۔ سائرہ افضل تارڑ سابق وزیراعظم نواز شریف کے دورِ حکومت میں وفاقی وزیر کے فرائض بھی سرانجام دے چکی ہیں۔

خیال رہے کہ 8 فروری کے عام انتخابات میں سائرہ افضل تارڑ کو اپنے حلقے سے شکست ہوئی تھی۔ NA-67 حافظ آباد سے انکی مدِمقابل آزاد امیدوار انیقہ مہدی 2 لاکھ 11 ہزار 39 ووٹ لیکر کامیاب ہوئی تھیں۔