پاکستان میں کورونا کے دو نئے ویرئینٹ منظرعام پر،9 کیسز رپورٹ

پاکستان کے صوبہ خیبرپختونخوا میں کورونا کے دو نئے ویرئینٹ منظرعام پر،9 مثبت کیسز سامنے آگئے۔

ڈائریکٹر پبلک ہیلتھ ڈاکٹر ارشاد کےمطابق خیبرپختونخوا کے ہسپتالوں سے کورونا کے 9 مثبت کیسزسامنے آئے ہیں جن میں 6 کیسز پشاور سے اور تین کا تعلق سوات سے ہے، ان کیسزمیں پانچ خواتین بھی شامل ہیں۔

ڈائریکٹر پبلک ہیلتھ کا کہنا ہےکہ ان ویرئینٹ میں جے این ون اور جے این 1.8 شامل ہیں۔ عالمی ادارہ صحت کی رپورٹ کےمطابق کورونا جے این ون ویرئینٹ کا پھیلاؤ 83 فیصد ہے۔

ڈاکٹر ارشاد کا کہنا ہےکہ کورونا کے جے این ون ویرئینٹ کے پھیلاؤ کے پیش نظرصوبےمیں ایڈوائزری جاری کردی گئی ہے، ہسپتالوں کو انفلوئینزا لائک ڈیزیز میں ٹیسٹنگ زیادہ کرنےاور ہسپتالوں کو جینوم ٹیسٹنگ کیلئے سیمپلز پبلک ہیلتھ ریفرنس لیب بھجوانے کی ہدایات کی گئی ہیں ۔