کورونا کی وجہ سے بند پاک چین سرحد کو تجارت کے لئے کھول دیا گیا

تفصیلات کے مطابق  کورونا کی سنگین صورت  کے  باعث   پاک چین سرحد کو  جنوری 2019 میں بند کردیا گیا تھا ،جس کے باعث تجارت معطل ہوگئی تھی  اور  گلگت بلتستان کے لوگوں کو  معاشی  پریشانی کا سامنا تھا ۔

چینی حکام کی رضا مندی سے  پاک چین سرحد کو سخت ایس او پیز کے تحت کھولنے کا فیصلہ کیا گیا ہے۔پاک چین سرحد بند ہونے سے 2 ہزار سے زائد تاجر اور سیکڑوں مزدور سخت مالی پریشانیوں سے دوچار ہوگئے تھے۔

سرحد بند ہونے کے بعد سے پاک چین اقتصادی راہداری (سی پیک) سے متعلق شپمنٹس روکنے کی وجہ  سے  خزانے کو 8 ارب روپے کا نقصان ہوا تھا۔

نوٹی فکیشن کے مطابق سرحد کھولنے کے لیے کسٹم، وفاقی تحقیقات ادارے (ایف آئی اے) اور انسداد منشیات کے تمام ملازمین کی ویکسینیشن مکمل کر لی گئی ہے۔

 واضح رہے کہ چین میں 31 مئی کو مزید 27 کیسز رپورٹ ہوئے تھے جبکہ کوئی اموات ریکارڈ نہیں کی گئی۔ اب تک چین میں 62 کروڑ سے زائد لوگوں کو ویکسین دی جا چکی ہے۔