لاہور پولیو سے پاک ہوگیا، تمام ماحولیاتی نمونہ جات نیگٹو آ گئے ، ڈی سی لاہور

تفصیلات کے مطابق  لاہور کے شہریوں کے لئے بڑی خوشخبری ،پولیو کے ماحولیاتی نمونہ جات نیگٹو آ گئے ہیں۔

ڈی سی لاہور مدثر ریاض کا کہنا ہے کہ اس ماہ کے پولیو کے تمام ماحولیاتی نمونہ جات نیگٹو آئے ہیں، اس سے قبل بھی بھیجے گئے ماحولیاتی نمونہ جات نیگٹو آئے تھے،  ماحولیاتی نمونہ جات کا نیگٹو ہونا پولیو مہم کی ایک بہت بڑی کامیابی کی طرف اشارہ ہے۔

ڈی سی لاہور کا مزید کہنا تھا کہ  گزشتہ کئی سالوں سے پولیو کے ماحولیاتی نمونہ جات مثبت آرہے تھے.، لیکن گزشتہ چار ماہ کے دورانیہ میں پولیو کے تمام تر ماحولیاتی نمونہ جات نیگٹو آئے ہیں اور لاہور کے شہریوں کے لئے یہ ایک بہت بڑی خوشخبری ہے، لاہور شہر پولیو سے پاک ہے، لاہور شہر کو پولیو سے پاک کرنے کے عزم کو برقرار رکھنا ہے۔

ڈی لاہور مدثر ریاض کا مزید کہنا تھا کہ  پولیو ورکرز ٹیموں کے ساتھ تعاون کو یقینی بنانا ہے، ڈی سی لاہور مدثر ریاض نے تمام انتظامیہ، ڈاکٹرز اور پولیو ورکرز کو پولیو کے ماحولیاتی نمونہ جات نیگٹو آنے پر مبارکباد دی ہے،ہم نے آئندہ بھی پولیو مہم کو اسی لگن اور ایمانداری کے ساتھ جاری رکھنا ہے۔