کاغذات نامزدگی منظور یا مسترد کرنے کے خلاف درخواستیں آ ج نمٹا ئیں گے ، الیکشن کمیشن

اسلام آباد : سینیٹ کے انتخابات کے لئے ٹربیونلز کاغذات نامزدگی منظور یا مسترد کئے جانے کے خلاف اپیلیں آج (پیر) نمٹائیں گے۔

امیدواروں کی نظرثانی شدہ فہرست کل جاری کی جائے گی۔امیدوار بدھ تک اپنے کاغذات نامزدگی واپس لے سکتے ہیں۔ایوان بالا کی اڑتالیس خالی نشستوں کے لئے پولنگ آئندہ ماہ کی دو تاریخ کو ہوگی۔

وفاقی دارالحکومت میں قومی اسمبلی کے اراکین ایک جنرل نشست اور علماء سمیت ٹیکنوکریٹ کی ایک نشست کے لئے سینیٹر کا انتخاب کریں گے۔

چاروں صوبائی اسمبلیوں کے اراکین ہر صوبے سے عام نشستوں کے لئے سات خواتین نشستوں کے لئے دو اور علماء سمیت ٹیکنو کریٹ کے لئے دو سینٹیرز کا انتخاب کریں گے۔پنجاب اور سندھ کے صوبوں کے لئے ایک ایک غیر مسلم سینیٹر منتخب کیا جائے گا۔