سیاسی مداخلت پر پرنسپل ایچی سن کالج مستعفی

صوبائی دارالحکومت  میں ایچی سن کالج کے پرنسپل مائیکل اے تھامسن کے استعفے کی خبر  نے سیاسی ، سماجی و تعلیمی  حلقو ں میں تہلکہ مچا دیا ہے ۔

مائیکل اے تھامسن نےکالج کے سٹاف کے نام جو  خط لکھا  اس کی تفصیلات بھی منظر عام پر آ چکی ہیں ۔ خط میں مائیکل اے تھامسن نے واضح طور پر لکھا ک اب تک ایچی سن کالج چھوڑنے کا ارادہ نہیں کیا تھا مگر اب میرے پاس کوئی دوسرا راستہ نہیں،کچھ لوگوں کو ترجیح دینے کے لیے پالیسی کو نقصان پہنچایا گیا۔۔

ان جملوں کو لے کر نہ صرف  بحث و تنقید کا سلسلہ شروع ہو چکا ہے بلکہ کئی سوالات بھی اٹھ رہے ہیں کہ حالات کو اس نہج تک کیوں جانے دیا گیا جس سے یہ معاملہ استعٖفوں کی حد تک پہنچا ۔ 

یاد رہے کہ پرنسپل ایچ ای سن مائیکل اے تھامسن نے کہا کہ انہیں شدید سیاسی مداخلت اور پر یشرکا سامنا تھا جس کے بعد انہوں نے اپنی پر نسپل کی سیٹ سے استعفی دینا ہی مناسب سمجھا ہے ۔