پی ایس ایل 6: سرفراز سمیت 6 افراد براستہ بحرین ابوظہبی روانہ

تفصیلات کے مطابق ابوظہبی روانہ ہونے والے 4کھلاڑی لاہور اور 2 کراچی کے ہیں۔ ذرائع کے مطابق پی ایس ایل سیزن 6 کے بقیہ میچز میں شرکت کیلئے ذیشان اشرف اور زید عالم سمیت مزید دو افراد  لاہور سے کراچی پہنچے جبکہ کراچی سے سرفراز احمد اور میڈیا منیجر عماد حمید ابوظہبی روانہ ہوئے۔7افراد میں تین کرکٹرز عمرامین، آصف آفریدی اور محمد عمران شامل شامل ہیں ۔ پی سی بی کو پاکستان میں موجود 7 افراد کے ویزے تاحال جاری نہیں ہوسکے ہیں ۔

واضح رہے کہ گزشتہ روز بھی فلائٹ دستیاب نہ ہونے کے سبب سرفراز احمد کی رونگی میں ایک دن کی یاخیر کی گئی تھی۔ اس سے قبل پاکستان کرکٹ بورڈ نے  کمرشل پرواز سے متحدہ عرب امارات روانگی کی منظوری ملنے کے بعد پی ایس ایل 6 کے میڈیکل ایڈوائزری پینل کی مشاورت سے لاہور اور کراچی کے ہوٹلوں میں آئسولیشن میں موجود سرفراز احمد سمیت 13 کھلاڑیوں اور آفیشلز کو گھر بھیجنے کا فیصلہ کیا گیا تھا ۔

پاکستان سپرلیگ (پی ایس ایل ) 6 کے  بقیہ میچ سات جون سے شروع ہونے کا امکان  ہے۔ ذرائع کے مطابق  ٹورنامنٹ کا فائنل چوبیس جون کو کھیلے جانے کا امکان ہے۔ملتوی شدہ تمام بیس میچز کھیلے جائیں گے،میچوں میں کمی نہیں کی جا رہی ہے۔ پاکستان سپر لیگ 6  کے نئے شیڈول کا اعلان آئندہ چند روز میں متوقع ہے۔