پاکستان
دہشتگردوں کو امن تباہ کرنے کی اجازت نہیں دیں گے : وزیراعظم کی بلوچستان حملوں کی مذمت
اسلام آباد : وزیر اعظم عمران خان نےایف سی جوانوں پر دہشت گردوں کے حملے کی شدید مذمت کرتے ہوئے کہا ہے کہ دہشت گردوں کو بلوچستان کا امن تباہ کرنے کی اجازت نہیں دی جائے گی ۔
تفصیلات کے مطابق سماجی رابطے کی ویب سائٹ ٹوئٹر پر پیغام میں وزیراعظم عمران خان نے گزشتہ رات بلوچستان میں ایف سی جوانوں پر دہشت گردوں کے حملے کی شدید مذمت کی ہے ۔ وزیراعظم نے کہاکہ دہشت گردی کے خلاف ہماری جنگ جاری رہے گی، دہشت گردوں کو بلوچستان کا امن تباہ کرنے کی اجازت نہیں دی جائے گی ۔ وزیراعظم نے شہد ا کے اہل خانہ سے تعزیت کا بھی اظہار کیا ۔
Strongly condemn terrorist attacks against our soldiers in Balochistan last night, martyring 4 soldiers & injuring 8. My prayers & condolences go to the martyrs families. We will continue our fight ag these terrorists & will not allow them to sabotage peace & dev in Balochistan.
— Imran Khan (@ImranKhanPTI) June 1, 2021
خیال رہے کہ کوئٹہ اور تربت میں دہشت گردوں نے ایف سی جوانوں پر حملہ کیا جس کے نتیجے میں 4 جوان شہید ہوگئے، جوابی کارروائی میں 5 دہشت گرد مارے گئے۔ پاک فوج کے شعبہ تعلقات عامہ (آئی ایس پی آر) کے مطابق دہشت گردوں نےپیراسماعیل کےقریب ایف سی پوسٹ کونشانہ بنایا ، فائرنگ کے تبادلے میں 5 دہشت گرد ہلاک اور 8 زخمی ہوگئے۔ آئی ایس پی آر کے مطابق دہشت گردوں کی فائرنگ سے 4 ایف سی اہلکار شہید اور 6 زخمی ہوگئے۔
ترجمان پاک فوج کا کہنا ہے کہ تربت کے قریب ایف سی کی گاڑی بارودی سرنگ سے ٹکرا گئی جس کے نتیجے میں دو جوان زخمی ہوگئے۔آئی ایس پی آر کا کہنا ہے کہ سیکیورٹی فورسز ہر قیمت پر دشمن کے مذموم مقاصد ناکام بنائیں گی اورملک دشمن عناصرکوبلوچستان میں امن وامان خراب کرنےکی اجازت نہیں دی جائیگی۔
تجارت
ملک میں سونے کی قیمت میں بڑااضافہ
سونے کی فی تولہ قیمت 4 ہزار 600 اضافے کے بعد 2 لاکھ 43 ہزار 800 روپے ہوگئی
ملک میں سونے کی فی تولہ قیمت میں ہزاروں روپے کا اضافہ ہو گیا ہے۔
سونے کی فی تولہ قیمت میں 4 ہزار 600 روپے کا اضافہ ہوا جس کے بعد فی تولہ قیمت 2 لاکھ 43 ہزار 800 روپے ہوگئی۔
10گرام سونے کی قیمت میں 3 ہزار 944 روپے کا اضافہ ہوا جس سے قیمت 2 لاکھ 9 ہزار 19روپے پر پہنچ گئی۔
گزشتہ کچھ دنوں سے سونے کی قیمت میں کمی ہو رہی تھی لیکن آج پھر قیمت میں بڑا اضافہ ہو گیا ہے۔
سونے کی عالمی قیمت 54 ڈالر بڑھ کر 2366 ڈالر فی اونس ہوگئی۔
صحت
وزیر اعلی پنجاب مریم نواز نے کلینک آن وہیلز منصوبے کا افتتاح کردیا
اس منصوبے کے تحت دو سو موبائل کلینکس صوبے کے چالیس لاکھ افراد کو صحت کی سہولیات فراہم کی جائیں گیں
لاہور: وزیر اعلیٰ پنجاب مریم نواز نے آج(جمعہ) لاہور میں کلینک آن وہیلز منصوبے کا افتتاح کردیا ۔
اس منصوبے کے تحت دو سو موبائل کلینکس صوبے کے چالیس لاکھ افراد کو صحت کی سہولیات فراہم کی جائیں گیں ۔
تقریب سے خطاب کرتے ہوئے وزیر اعلیٰ نے کہا کہ یہ کلینک بڑے شہروں کے گنجان آباد علاقوں میں لگائے جائیں گے جہاں کے باشندوں کو اکثر ہسپتال میں علاج معالجے کی رسائی میں مشکلات کا سامنا کرنا پڑتا ہے۔
انہوں نے کہا کہ صوبائی حکومت لوگوں کو ان کی دہلیز پر صحت کی سہولیات فراہم کر رہی ہے۔
مریم نواز نے پنجاب کے آٹھ شہروں میں امراض قلب کے علاج کے لیے سہولیات کی فراہمی کا بھی اعلان کیا۔
واضح رہے کہ ان شہروں میں میانوالی، گوجرانوالہ، سیالکوٹ ، جہلم ، ساہیوال ، مری اور لیہ شامل ہیں۔
دنیا
امریکہ کی غزہ سے فلسطینیوں کے جبری انخلاء کی مخالفت
امریکی وزیر خارجہ انتونی بلنکن نے مصر کے اپنے ہم منصب کے ساتھ ٹیلی فون پر گفتگو کرتے ہوئے کہا کہ امریکہ فلسطینیوں کے جبری انخلا کی کھلے عام مخالفت کرتا ہے
امریکہ نے غزہ سے فلسطینیوں کے جبری انخلاء کی مخالفت کی ہے۔
امریکی وزیر خارجہ انتونی بلنکن نے مصر کے اپنے ہم منصب کے ساتھ ٹیلی فون پر گفتگو کرتے ہوئے کہا کہ امریکہ فلسطینیوں کے جبری انخلا کی کھلے عام مخالفت کرتا ہے ۔
انہوں نے صدر بائیڈن کے واضح مؤقف کا اعادہ کرتے ہوئے کہا کہ امریکہ رفاہ میں بڑی فوجی کارروائی کی حمایت نہیں کرتا اور غزہ سے فلسطینی باشندوں کے کسی بھی جبری انخلاء کو مسترد کرتا ہے۔
یاد رہے کہ وائٹ ہاؤس انتظامیہ کے ایک سینئر اہلکار نے بتایا ہے کہ امریکہ نے اسرائیل کی جانب سے جنوبی غزہ کے علاقے رفح میں ایک بڑی زمینی کارروائی کے خدشات کے پیش نظر گزشتہ ہفتے بموں کی ترسیل روک دی تھی۔
-
علاقائی ایک گھنٹہ پہلے
پنجاب میں بیچلرز آف ڈینٹل سرجری فائنل پروفیشنل کےنتائج کا اعلان
-
پاکستان 2 دن پہلے
9 مئی کا فالس فلیگ آپریشن پہلے سے طے شدہ تھا،عمران خان
-
پاکستان 23 گھنٹے پہلے
پنجاب اسمبلی میں سانحہ 9 مئی کے خلاف مذمتی قرارداد منظور
-
دنیا 6 گھنٹے پہلے
دہلی کے وزیر اعلیٰ اروند کیجریوال کو بدعنوانی کے ایک مقدمے میں عارضی ضمانت مل گئی
-
تجارت 6 گھنٹے پہلے
ملک میں سونے کی قیمت میں بڑااضافہ
-
تجارت 22 گھنٹے پہلے
ڈالر کی قیمت میں معمولی اضافہ
-
علاقائی 6 گھنٹے پہلے
عدالت نے پنجاب حکومت کو طلباء میں الیکٹرک بائیکس تقسیم کرنے سے روک دیا
-
علاقائی ایک دن پہلے
تحریک انصاف کی ریلی ، اسلام آبا د میں دفعہ 144 نافذ