پاکستان میں تیارکردہ کورونا ویکسین آج لانچ کی جائے گی

تفصیلات کے مطابق اس ضمن میں  وزارت صحت کا کہنا ہے کہ پاک ویک پاکستان میں تیار اور پیک ہونے والی پہلی ویکسین ہے جس کی باقاعدہ  لانچنگ آج کی جائیگی۔حکام وزرات صحت کے مطابق  پاک ویک کی، چین سے درآمد سائنو ویک کے خام مال کی مدد سے نیشنل انسٹیٹیوٹ آف ہیلتھ میں تیار اور پیک کی گئی ہے۔ پاک ویک ویکیسن ،چینی ماہرین کے تعاون سے تیار کی گئی ہے اور ابھی تک صرف ایک لاکھ 20 ہزار سے زائد خوراکیں تیار کی  گئی ہیں۔

حکام  کامزید کہنا تھا کہ این آئی ایچ میں لگا ویکیسن پلانٹ ماہانہ 30 لاکھ ویکیسن لگانے کی صلاحیت رکھتا ہے۔ کین سائنو پہلی ویکیسن تھی جس کے تھرڈ لیول ٹرائل میں پاکستان نے حصہ لیا تھا۔