امریکہ میں شدیدبرفباری سے نظا م زندگی متاثر

امریکی خبر رساں ادارے کے مطابق  شدید برفباری کے ساتھ یخ بستہ ہوائیں چلنے  کاآغاز ہوا  جبکہ ساحلی علاقوں میں طوفان کے سبب صورتحال مزید خراب ہو گئی۔ انڈیانا، پنسلوانیا اور گریٹر نیویارک سٹی میں 30 انچ تک برف کی تہہ جم گئی جبکہ میساچوسٹس، کنیکٹی کٹ بھی برف کی لپیٹ میں آگئے ہیں۔ شدید برفباری کے باعث ہزاروں افراد بجلی سے محروم ہوگئے جبکہ ریاست نیو جرسی میں اب تک 35 انچ تک برف پڑ چکی اور 122 سالہ ریکارڈ ٹوٹ گیا ہے ۔  متاثرہ ریاستوں میں شدید برفباری کے باعث سینکڑوں پروازیں منسوخ کردی گئیں اور اسکول بند کر دیے گئے ہیں، سڑکوں سے برف ہٹانے کے لیے امدادی کارروائیاں بھی جاری ہیں۔

امریکی ریاست نیو جرسی اور فلاڈیلفیا کے بعد اب نیویارک میں بھی ایمرجنسی نافذ کردی گئی ہے، نیویارک میں شہریوں کے غیر ضروری سفر کرنے پر بھی پابندی عائد کردی گئی۔ شدید برف باری کے باعث نیویارک میں کورونا وائرس ویکسین لگانے کے مراکز بھی بند ہوگئے ہیں۔