بینکنگ کے شعبے حکومت کے ترقیاتی ایجنڈے میں تعاون کرے ، وزیرخزانہ

وزیر خزانہ محمد اورنگزیب نے بینکنگ کے شعبے پر زور دیا ہے کہ وہ زراعت چھوٹے اور درمیانے درجے کے کاروبار اور انفارمیشن ٹیکنالوجی سمیت دیگر ترجیحاتی شعبوں کے لئے قرضوں کی فراہمی میں اضافے کے ذریعے حکومت کے ترقیاتی ایجنڈے میں تعاون کرے۔

وہ کراچی میں ایک اجلاس کی صدارت کر رہے تھے جس میں گورنر سٹیٹ بینک جمیل احمد اور مختلف نمایاں بینکوں کے چیف ایگزیکٹوز اور صدور نے شرکت کی۔

وفاقی وزیر نے ترجیحاتی شعبوں کے لئے سرمایہ کی فراہمی کی ضروریات سے نمٹنے کے لئے بینکنگ کے شعبے کے ساتھ ملکر کام کرنے کے حکومتی عزم کا اعادہ کیا۔

وفاقی وزیر نے پاکستان بینکس ایسوسی ایشن سے کہا کہ وہ بینکنگ کے شعبے حکومت اور دیگر متعلقہ شعبوں کے نمائندوں پر مشتمل ٹاسک فورس کی قیادت کرے جو ترجیحاتی شعبوں کی ترقی کی راہ میں حائل رکاوٹوں کو دور کرنے اور موجودہ چیلنجوں پر قابو پانے سے متعلق قابل عمل حکمت علی وضع کرے گی۔