دوبئی : پاکستانی آم ’لیمبرگینی‘میں گھر کی دہلیز پر حاصل کریں

آم پھلوں کا بادشاہ ، جسے بچے اوربڑے سبھی بے حد شوق سےکھاتے ہیں  اور دنیا کے دیگر ممالک کی بہ نسبت پاکستانی آم  تاثیر، رنگ اور ذائقے کے اعتبار سے سب سے منفرد ہیں۔ دنیا بھر کی طرح دوبئی میں بھی  پاکستانی آم برآمد کیے جاتے ہیں ۔ اس بات سے تو ہم سب ہی واقف ہیں کہ  پاکستان کے آم دنیا بھر میں مشہور ہیں   اور اگر یہ پھل بنا مارکیٹ جائے گھر پر ہی مل جائیں اوروہ بھی دنیاکی مہنگی ترین گاڑی  میں ،تو اس سے  بہترین بات کیا ہوسکتی ہے ۔    دبئی  میں رہنے والے اب پاکستانی آم گھر کی دہلیز پر حاصل کرسکیں گے ۔

اس بار ، دبئی میں پاکستان سپر مارکیٹ نے  ایک حیرت انگیز مارکیٹنگ مہم شروع کی ہے جس کا نام"  لیمبرگینی میں آم " رکھا گیا ہے  ۔اس کے   ذریعے  دوبئی میں رہائش پذیر افراد کو صرف150درہم  میں لیمبرگینی میں آم  پہنچائیں جائیں گے ۔اس کے ساتھ ساتھ صارفین کو آم خریدنے پر سپر کار لیمبورگینی میں مختصر رائیڈ کا موقع بھی دیتی ہے۔

پاکستان سپر مارکیٹ دبئی کے منیجنگ ڈائریکٹر ، جہانزیب یاسین نے خلیج ٹائمز کو بتایا کہ وہ یکم جون  سے  دبئی میں اس سروس کا آغاز کررہے ہیں ۔ یہ سہولت گذشتہ سال متعارف کروائی گئی تھی اور لوگوں نے اسے بے حد پسند کیا تھا  ۔ اس کے ساتھ  ساتھ ان   پھلوں کی فروخت میں زبردست اضافہ  ہوا ۔

خیال رہے کہ پاکستان میں آم کی پیداوار پنجاب اور سندھ میں سب سے زیادہ ہوتی ہے تقریباً 18 لاکھ ٹن سالانہ ہے پاکستانی آم یو اے ای، سعودی عرب، مسقط، عمان، کویت ، بحرین،فرانس،جرمنی،ناروے،ہالینڈ ،سنگا پور،ہانگ کانگ اورملائیشیا برآمد کئے جاتے ہیں۔