دنیا مزید جنگوں کی متحمل نہیں ہو سکتی، جنرل سیکرٹری اقوام متحدہ

اقوام متحدہ کے سیکرٹری جنرل انتونیو گوتریش نے عالمی برادری کو تنازعات میں شدت کے خلاف خبردار کرتے ہوئے کہا ہے کہ مشرق وسطی اور دنیا مزید جنگوں کی متحمل نہیں ہو سکتی۔

غیر ملکی خبر رساں ادارے کے مطابق انہوں نے گزشتہ روز سلامتی کونسل کے اجلاس کے دوران خطاب کرتے ہوئے کہا کہ نہ تو خطہ اور نہ ہی دنیا مزید جنگ کی متحمل ہو سکتی ہے۔

انہوں نے کہا کہ مشرق وسطیٰ انتہائی کشیدگی کے دہانے پر ہے۔  خطے کے لوگ مکمل تباہ کن جنگ کے حقیقی خطرے کا سامنا کر رہے ہیں۔ اب اس خطرے اور کشیدگی کو کم کرنے کا وقت آ گیا ہے ۔ انہوں نےتمام متعلقہ فریقوں سے زیادہ سے زیادہ تحمل کا مظاہرہ کرنے کا مطالبہ کیا۔