نواز شریف فارم 45 کے معاملے پر دل بڑا کرکے اپنی سیٹ یاسمین راشد کو دے ، اعتزاز احسن

پیپلز پارٹی کے رہنماء بیرسٹر اعتزاز احسن نے کہا ہے کہ نواز شریف بڑے لیڈر ہیں، فارم 45 کے معاملے پر انہیں دل بڑا کرکے خود ہی کہہ دینا چاہیے تھا کہ اس تشست پر ڈاکٹر یاسمین راشد جیتی ہیں اور تشست چھوڑ دیتے۔

 ضمنی الیکشن میں ووٹ ڈالنے کے بعد میڈیا سے گفتگو کرتے ہوئے ان کا کہنا تھا کہ میں نےاپنے پارٹی کے امیدوار کو ووٹ دے دیا ہے۔الیکشن میں دھاندلی ہوئی ،فارم 47 میں نتائج کی تبدیلی میں نواز شریف،شہباز شریف اور مریم نواز ملوث ہیں ۔

اعتراز احسن نے کہا کہ 8 فروری کو بھونڈا الیکشن ہوا ہے۔کروڑوں روپے کا کھیل کھیلا گیا ۔ہر پولنگ سٹیشن پر فارم 45 ہوتے ہیں۔الیکشن کمیشن فارم 45 تسلیم کیے،اپنی ویب سائٹ پر اپ لوڈ کیے،نواز شریف کے ووٹ بدلے گئے۔

انہوں نے کہا ہے کہ نواز شریف بے بس ،لاچار نظر آرہا ہے۔ان کو دل بڑا کرتے ہوئے فارم 47 کو نہیں ماننا چاہئے تھے۔اپنی سیٹ ڈاکٹر یاسمین کو دے دینی چاہئے تھی۔اب بھی وہ بڑا دل کرتے ہوئے انکوائری کا کہیں تاکہ وہ رسوائی سے بچ سکیں ۔پیپلز پارٹی الیکشن ریفارمز کرے گی ۔