جی این این سوشل

دنیا

غزہ میں اجتماعی قبریں ، لوگوں کی برہنہ لاشیں ملی ہیں، اقوام متحدہ

یہ ہلاکتیں ممکنہ طور پر جنگی جرائم کے مترادف ہو سکتی ہیں، اقوام متحدہ کے ادارے برائے انسانی حقوق کی رپورٹ

پر شائع ہوا

کی طرف سے

غزہ میں اجتماعی قبریں ، لوگوں کی برہنہ لاشیں ملی ہیں، اقوام متحدہ
جی این این میڈیا: نمائندہ تصویر

اقوام متحدہ نے کہا ہے کہ غزہ میں اجتماعی قبروں کے بارے میں پریشان کن رپورٹس سامنے آرہی ہیں جن میں فلسطینی شہریوں کی لاشیں کے مبینہ طور پر برہنہ حالت میں اور ان کے ہاتھ بندھے ہوئے پائے گئے ہیں، جس سے محصور غزہ میں جاری اسرائیل کی جارحیت کے دوران ممکنہ جنگی جرائم کے بارے میں گہری تشویش کی تجدید ہوتی ہے۔ یہ بات اقوام متحدہ کے ادارے برائے انسانی حقوق (او ایچ سی ایچ آر)نے گزشتہ روز جاری ہونے والی اپنی رپورٹ میں بتائی ۔
اجتماعی قبریں شمالی غزہ کے الشفا ہسپتال اور جنوبی علاقے خان یونس کے نصر ہسپتال میں دریافت ہوئیں جو اسرائیلی فوج کے محاصرے اور جنگی کارروائیوں ہدف رہے ہیں۔ نصر ہسپتال سے مجموعی طور پر 283 لاشیں ملی ہیں جن میں سے 42 کی شناخت ہو چکی ہے۔
اقوام متحدہ کے دفتر برائے انسانی حقوق نے بتایا ہے کہ غزہ کے ہسپتالوں میں دریافت ہونے والی اجتماعی قبروں میں پائی گئی لاشیں بے لباس تھیں یا ان کے ہاتھ بندھے ہوئے تھے۔ یہ ہلاکتیں ممکنہ طور پر جنگی جرائم کے مترادف ہو سکتی ہیں۔
رپورٹ کے مطابق یہ صورتحال گزشتہ ہفتے کے آخر میں وسطی غزہ کے علاقے خان یونس کے ناصر ہسپتال اور شمال میں الشفا ہسپتال میں زیر زمین دبی اور کچرے سے ڈھکی سینکڑوں لاشوں کی بازیافت کے بعد سامنے آئی، ناصر ہسپتال میں کل 283 لاشیں برآمد ہوئیں جن میں سے 42 کی شناخت ہوگئی۔
اقوام متحدہ کے ہائی کمشنر برائے انسانی حقوق کی ترجمان روینا شمداسانی نے کہا کہ شہید ہونے والوں میں مبینہ طور پر بوڑھے، خواتین اور زخمی شامل تھے جبکہ دیگر افراد کے ہاتھ بندھےاور ان کے کپڑے اتار دیے گئے تھے۔ غزہ میں صحت کے مقامی حکام کا حوالہ دیتے ہوئے شمداسانی نے کہا کہ الشفا ہسپتال سے مزید لاشیں ملی ہیں۔ 
شمداسانی نے جنیوا میں صحافیوں کو بتایا 7 اکتوبر کو جنگ شروع ہونے سے قبل یہ بڑا ہیلتھ کمپلیکس انکلیو کی اہم تر طبی سہولت تھی، یہ کمپلیکس اسرائیلی فوجی مداخلت کا مرکز تھا جس کے بارے میں انہوں نے دعویٰ کیا تھا کہ اس کے اندر مبینہ طور پر عسکریت پسند کام کر رہے ہیں جو اس ماہ کے شروع میں ختم ہوا۔ دو ہفتوں کی شدید جھڑپوں کے بعد اقوام متحدہ کے انسانی ہمدردی کے ماہرین نے اس جگہ کا جائزہ لیا اور 5 اپریل کو اس بات کی تصدیق کی کہ الشفاء ایک خالی خول تھا جس میں زیادہ تر سامان راکھ ہو گیا تھا۔
رپورٹس کے مطابق غزہ شہر کے الشفا ہسپتال کے صحن میں دو قبروں میں 30 فلسطینیوں کی لاشیں دفن تھیں جن میں سے کچھ ایمرجنسی بلڈنگ اور باقی ڈائیلاسز بلڈنگ کے سامنے ہیں۔ ترجمان نے کہا کہ الشفا کے ان مقامات سے اب 12 فلسطینیوں کی لاشوں کی شناخت کر لی گئی ہے، تاہم باقی افراد کی شناخت ابھی تک ممکن نہیں ہو سکی ،ایسی اطلاعات ہیں کہ ان لاشوں میں سے کچھ کے ہاتھ بھی بندھے ہوئے تھے۔

پاکستان

پاکستان قازقستان کیساتھ ثقافتی تعلقات بڑھانا چاہتا ہے ،وزیر اطلاعات

وزیر اطلاعات نے کہا کہ پاکستان نے ڈراموں، نغموں اور فلموں میں بڑی ترقی کی جن کی دنیا بھر میں پذیرائی ہوئی

پر شائع ہوا

ویب ڈیسک

کی طرف سے

پاکستان قازقستان کیساتھ ثقافتی تعلقات  بڑھانا چاہتا ہے ،وزیر اطلاعات

اسلام آباد : وزیر اطلاعات و نشریات عطا تارڑ  نے قازقستان کے ساتھ پاکستان کے ثقافتی تعلقات کے فروغ کی شدید خواہش کا اظہار کیا ہے۔

آج اسلام آباد میں قازقستان کی فلم خناتے ( گولڈن تھرون ) کی سکریننگ کے حوالے سے ایک تقریب سے خطاب کرتے ہوئے انہوں نے دونوں ملکوں کے درمیان ذرائع ابلاغ اور ثقافتی وفود کے بڑے پیمانے پر تبادلے کی اہمیت پر زور دیا۔

وزیر اطلاعات نے کہا کہ پاکستان نے ڈراموں، نغموں اور فلموں میں بڑی ترقی کی جن کی دنیا بھر میں پذیرائی ہوئی۔

انہوں نے کہا کہ پاکستان نیٹ فلکس کی ایک پاکستانی سیریز بنا رہا ہے جو اٹلی میں تیار کی جا رہی ہے۔ انہوں نے کہا کہ ہم نجی شعبے کی حوصلہ افزائی کریں گے کہ وہ آگے آئے اور تفریحی صنعت کے فروغ کیلئے اپنا کردار ادا کرے۔

پڑھنا جاری رکھیں

پاکستان

کشکو ل توڑ دیا ہے ، وزیر اعظم کاایس آئی ایف سی اجلاس میں اظہار خیال

وزیر اعظم نے کہا کہ اب تجارتی و معاشی تعاون کو اہمیت دے رہے ہیں، دوست ممالک نے بھی ایس آئی ایف سی کے اقدامات کو سراہا ہے، غیر ملکی سرمایہ کاری کی راہ میں حائل کوئی سرخ فیتہ برداشت نہیں

پر شائع ہوا

ویب ڈیسک

کی طرف سے

کشکو ل توڑ دیا ہے ، وزیر اعظم کاایس آئی ایف سی اجلاس میں اظہار خیال

 

اسلام آباد :  وزیراعظم پاکستان  شہباز  شریف کی زیر صدارت ایس آئی ایف سی کی اپیکس کمیٹی کا دسواں اجلاس  وزیراعظم  ہاؤس میں ہوا جس میں سرمایہ کاری کے اقدامات  پر بات چیت کی گئی اور اطمینان کا اظہار کیا گیا ۔ 

ایپکس کمیٹی کے اجلاس میں آرمی چیف جنرل عاصم منیر، نائب وزیراعظم اور  وزیر خارجہ اسحاق ڈار ، وفاقی وزیر اطلاعات، وزیر خزانہ محمد  اورنگزیب،  وزیر داخلہ محسن نقوی،  وزیر دفاع خواجہ آصف،  وزیر توانائی اویس لغاری  اور  دیگر شریک  ہوئے۔

اجلاس میں وزیر اعلیٰ خیبر پختونخوا علی امین گنڈا پور، وزیر اعلیٰ پنجاب مریم نواز، وزیر اعلیٰ سندھ مراد علی شاہ اور وزیر اعلیٰ بلوچستان سرفراز بگٹی بھی شریک ہوئے ۔ 

وزیر اعظم شہباز شریف نے کہا ہے کہ صوبائی حکومتوں کو ایس آئی ایف سی میں ساتھ لیکر چل رہے ہیں اور  آئندہ بھی ساتھ لے کر چلیں گے ، انہوں نے کہا کہ غیر ملکی سرمایہ کاری کیلئے  دورہ یو اے ای انتہائی کامیاب رہا،  انہوں نے کہا کہ یو اے ای نے 10 ارب ڈالر یو اے ای قیادت نے پاکستان میں سرمایہ کاری کے لیے مختص کردیئے ہیں۔

انہوں نے کہا کہ اب پاکستان کے حالات مزید بہتری کی جانب گامزن ہیں اور  ہم نے کشکول توڑ دیا ہے ، اب تجارتی و معاشی تعاون کو اہمیت دے رہے ہیں، دوست ممالک نے بھی ایس آئی ایف سی کے اقدامات کو سراہا ہے، غیر ملکی سرمایہ کاری کی راہ میں حائل کوئی سرخ فیتہ برداشت نہیں۔

واضح رہے کہ چاروں صوبوں کے چیف سیکرٹریز  بھی اجلاس میں موجود تھے۔

پڑھنا جاری رکھیں

پاکستان

حکومت نے کھاد کارخانوں کیلئے گیس پر سبسڈی ختم کرنے کی منظوری دیدی

کھاد کارخانوں کو سبسڈی دینے سے کسانوں کو کوئی فائدہ نہیں پہنچ رہا، حکومت

پر شائع ہوا

ویب ڈیسک

کی طرف سے

حکومت نے کھاد کارخانوں کیلئے گیس پر سبسڈی ختم کرنے کی منظوری دیدی

وفاقی حکومت نے کھاد کے کارخانوں کے لیے گیس پر سبسڈی ختم کرنے کی منظوری دے دی۔

ذرائع کے مطابق وفاقی کابینہ نے اتفاق رائے سے کھاد فیکٹریوں کوملنے والی سبسڈی مکمل طور پر ختم کرنے کا فیصلہ کیا ہے۔

کھاد کے کارخانوں کو اس وقت 217 روپے فی ایم ایم بی ٹی یو سبسڈی مل رہی ہے ، کارخانوں کو 1597 روپے فی ایم ایم بی ٹی یو قیمت پر گیس سپلائی کی جارہی ہے۔

حکومت کا کہنا ہے کہ کھاد کارخانوں کو سبسڈی دینے سے کسانوں کو کوئی فائدہ نہیں پہنچ رہا۔

کابینہ کے فیصلے پر عملدرآمد کے بعد کارخانوں کو فراہم کی جانے والی گیس کی قیمت 1814 روپے فی ایم ایم بی ٹی یو ہو جائے گی ، حکومت کسانوں کو برائے راست سبسڈی فراہم کرنے کا ارداہ رکھتی ہے۔

پڑھنا جاری رکھیں

ٹرینڈنگ

Take a poll