پاکستان
وزیر خارجہ اسحاق ڈار نائب وزیراعظم مقرر
وزیراعظم شہباز شریف کی منظوری کے بعد نوٹیفکیشن جاری کر دیا گیا
وزیر خارجہ اسحاق ڈار کو ڈپٹی وزیراعظم مقرر، وزیراعظم نے اسحاق ڈار کی تقرری کی، نوٹیفکیشن جاری کر دیا گیا۔
شہباز شریف عالمی اقتصادی فورم میں شرکت کے لیے سعودی عرب میں موجود ہیں۔ وزیر خارجہ اسحاق ڈار بھی ان کے ہمراہ ہیں۔
اسی دوران وزیراعظم شہباز شریف نے اسحاق ڈار کو نائب وزیراعظم مقرر کردیا۔
کابینہ ڈویژن نے اسحاق ڈار کی تقرری کا نوٹیفیکیشن جاری کردیا جس کا اطلاق فوری طور پر ہوگا۔
تجارت
تاجروں کو ٹیکس نیٹ میں لائیں گے، وزیر خزانہ
ملک میں معاشی استحکام کیلئے اداروں کی نجکاری ضروری ہے،ہمارے ایجنڈے میں نجکاری شامل ہے
وفاقی وزیر خزانہ محمد اورنگزیب نے کہا ہے کہ تاجروں کو ٹیکس نیٹ میں لائیں گے۔
لاہور کے مقامی ہوٹل میں پری بجٹ کانفرنس سے خطاب کرتے ہوئے محمد اورنگزیب کا کہنا تھا کہ آئی ایم ایف سے طویل پروگرام کے مذاکرات ہوںگے۔ ملک میں معاشی استحکام کیلئے اداروں کی نجکاری ضروری ہے۔ہمارے ایجنڈے میں نجکاری شامل ہے ،اس میں پبلک پرائیویٹ پارٹنر شپ بھی ہوگی، ایسی کوئی بات نہیں کہ ہم صرف غیر ملکی سرمایہ کاروں کو دیکھ رہے ہیں۔
انہوں نے کہا کہ ہمیں اس وقت میکرو اکنامک استحکام نظر آ رہا ہے، روپے کی قدر مستحکم اورافراط زر میں کمی آرہی ہے، پچھلے 8 سے 10 ماہ میں میکرو اکنامک اشاریے صحیح سمت میں بڑھ رہے ہیں، مالیاتی سطح پر نظم و ضبط آیا ہے ہمارا کرنٹ اکاؤنٹ خسارے 2 سے 3 مہینے سرپلس تھا لیکن اس مالی سال کا مجموعی خساری میں کمی ہوئی۔
وفاقی وزیر کا کہنا تھا کہ آئی ایم ایف ٹیم پاکستان پہنچ چکی ہے، کل مذاکرات کا آغاز ہوگا، آئی ایم ایف سے 9 ماہ کا اسٹینڈ بائی معاہدہ ہوا، نگران حکومت کو بھی پورا کریڈٹ جاتا ہے، انہوں نے ذمہ داری دکھائی۔
محمد اورنگزیب نے کہا کہ ہم توانائی کے شعبے میں کام کر رہے ہیں، اس میں بھی عمل در آمد اور اصلاحات شامل ہیں، ہم نے ڈسکوز کو آگے لے کر جانا ہے تو ہم نے ان کے بورڈز کو تبدیل کردیا اور اس میں نجی شعبے کے لوگوں کو لارہے ہیں۔
انہوں نے کہا کہ ہمیں ٹیکس ٹو جی ڈی پی، انرجی اور پرائیویٹائزیشن پر کام کرنا ہے، ہم نے کہیں نہ کہیں سے ٹیکس نیٹ کا آغاز کرنا ہے، تاجروں کو بھی ٹیکس نیٹ میں لانا ہے۔
وفاقی وزیر خزانہ نے تقریب سے خطاب کرتے ہوئے مزید کہا کہ حکومتی پالیسیوں کے باعث غیر ملکی سرمایہ کاروں کے اعتماد میں اضافہ ہو رہا ہے۔ حکومت غیر ملکی سرمایہ کاروں کو سہولیات فراہم کرنے کیلئے پرعزم ہے۔
علاقائی
پنجاب حکومت کے نان بائی ایسوسی ایشن کے ساتھ مذاکرات کامیاب
بائی ایسوسی ایشن 15 روپے کی روٹی فروخت کرنے پر رضامند
پنجاب حکومت کے نان بائی ایسوسی ایشن کے ساتھ مذاکرات کامیاب، ایسوسی ایشن 15 روپے میں روٹی فروخت کرنے پر رضامند ہو گئی۔
وزیر خوراک پنجاب بلال یاسین سے صدر متحدہ نان روٹی ایسوسی ایشن کی وفد کے ہمراہ ملاقات ہوئی۔ ملاقات میں نان روٹی ایسوسی ایشن نے 15 روپے کی روٹی فروخت کرنے کی یقین دہانی کروا دی۔
صدر نان روٹی ایسوسی ایشن کا کہنا ہےکہ حکومت نے آٹے کی قیمت میں بہت زیادہ ریلیف دیا، اس کی دل سے قدر کرتے ہیں، عوام کو ریلیف دینے میں حکومت کے شانہ بشانہ ہیں۔
صدر نان روٹی ایسوسی ایشن نے کہاکہ تمام تندوروں پر حکومتی نوٹیفیکیشن کے مطابق 15 روپے کی روٹی فروخت کریں گے۔
وزیر خوراک پنجاب بلال یاسین نے کہا کہ عوام کو ریلیف دینے کےلئے آٹے کی قمیت میں نمایاں کمی کی، اس سے قبل کبھی آٹا 1200 روپے سستا نہیں ہوا۔ نان روٹی ایسوسی ایشن حکومتی نوٹیفیکیشن پر عملدرآمد یقینی بنائے گی۔
انہوں نے مزید کہا کہ آٹے کی قیمت میں کمی کے ثمرات عوام تک پہنچانے کے مشن میں کامیابی ہوئی، عوام کو سستی اور معیاری روٹی کی فراہمی حکومت کی اولین ترجیح ہے۔
دنیا
انڈونیشیا میں سیلاب سے تباہی، 28افراد ہلاک ،درجنوں زخمی
زخمیوں کا ہسپتال میں علاج جاری ہےجبکہ درجنوں افراد لاپتہ بھی ہیں
انڈونیشیا میں سیلاب کے باعث 28افراد ہلاک اور درجنوں زخمی ہو گئے۔
غیر ملکی میڈیا رپورٹ کے مطابق انڈونیشیا کے قدرتی آفات سے نمٹنے کے قومی ادارے نیشنل ڈیزاسٹر مینجمنٹ ایجنسی کے کے ترجمان عبدالمہری نے بتایا کہ ملک کے مغربی صوبے سماٹرا کی آگم ریجنسی میں آنے والے سیلاب سے پندرہ افراد ہلاک اور درجنوں زخمی ہو گئے ہیں۔اس کے علاوہ درجنوں افراد لاپتہ ہیں جن کی تلاش کا کام بھی ساتھ کیا جا رہا ہے
انہوں نے کہا کہ گیارہ لاشیں کینڈوانگ ضلع اور چار دیگر سانگئی پوا ضلع میں ملی ہیں۔زخمیوں کا ہسپتال میں علاج جاری ہے۔
نیشنل ڈیزاسٹر مینجمنٹ ایجنسی کے ترجمان عبدالمہری نے بتایا کہ سیلاب نے لوگوں کو بہا لیا اور 100 سے زائد مکانات اور عمارتیں ڈوب گئیں۔
انہوں نے کہا کہ امدادی کارکنوں نے سب سے زیادہ متاثرہ گاؤں کینڈوانگ سے 11 لاشیں نکال لی تھیں اور پڑوسی گاؤں سونگائی پوا میں چار دیگر لاشیں نکال لی تھیں۔
ایجنسی نے ایک بیان میں کہا کہ سیلاب سے کم از کم سات دیہاتی زخمی ہوئے اور امدادی کارکن دیگر ممکنہ متاثرین کی تلاش کر رہے ہیں۔ 60 افراد عارضی سرکاری پناہ گاہوں میں ہیں۔
-
پاکستان 2 دن پہلے
محکمہ موسمیات نے درجہ حرارت بڑھنے کے ساتھ ساتھ بارشوں کی خوشخبری دے دی
-
تجارت 2 دن پہلے
ملک میں سونے کی قیمت میں بڑااضافہ
-
ٹیکنالوجی ایک دن پہلے
آئی کیوب قمر کی کامیاب لانچنگ، پاکستان ایک اور سیٹلائٹ بھیجے گا
-
پاکستان 2 دن پہلے
سردار سلیم حیدر خان نے گورنر پنجاب کے عہدے کا حلف اٹھا لیا
-
پاکستان 2 دن پہلے
خیبر پختونخواہ اسمبلی میں عمران خان اور بشری بی بی کی رہائی کی قراردا د منظور
-
تجارت 17 گھنٹے پہلے
آئی ایم ایف کا ٹیکس کی رعایتیں اور چھوٹ مرحلہ وار ختم کرنے کا مطالبہ
-
علاقائی 2 دن پہلے
پنجاب اسمبلی میں مخصوص ارکان کی رکنیت معطل
-
علاقائی 2 دن پہلے
پنجاب میں بیچلرز آف ڈینٹل سرجری فائنل پروفیشنل کےنتائج کا اعلان