پنجاب بھر میں تباہ شدہ فلٹریشن پلانٹس کو فعال کرنے کا حکم

وزیراعلیٰ پنجاب مریم نواز نے صوبہ بھر میں خراب فلٹریشن پلانٹس کو فعال کرنے کا حکم دے دیا۔

وزیراعلیٰ پنجاب مریم نواز کی زیرِ صدارت آب پاک اتھارٹی سے متعلق خصوصی اجلاس منعقد ہوا جس میں پنجاب بھر میں 5 ہزار 27 واٹر فلٹریشن پلانٹس کی صورتِ حال پر رپورٹ پیش کی گئی۔مریم نواز نے کھارے پانی والے علاقوں میں ترجیحی بنیادوں پر نئے فلٹریشن پلانٹ لگانے کی ہدایت کر دی۔

اجلاس میں سینیٹر پرویز رشید، سینئر صوبائی وزیر مریم اورنگزیب اور دیگر بھی شریک ہوئے۔اجلاس میں تمام فلٹریشن پلانٹ کا انتظام ایک ہی اتھارٹی کے سپرد کرنے کا فیصلہ کیا گیا۔

وزیر اعلیٰ پنجاب مریم نواز نے ہر علاقے میں پینے کے صاف پانی کی فراہمی کے لیے جامع پلان طلب کر لیا۔انہوں نے ہدایت کی کہ شہریو ں کو صاف پانی کی فراہمی کے لیے تمام وسائل بروئے کار لائے جائیں۔