راجر فیڈرر فرنچ اوپن سے دستبردار

تفصیلات کے مطابق عالمی نمبر ون ٹینس اسٹار  راجر فیڈرر کو فرنچ اوپن کے پری کوارٹر فائنل میں مقابلہ کرنا تھا ، سوئٹزرلینڈر کے راجر فیڈرر نے دوسرے گرینڈ سلم فرنچ اوپن کے تیسرے رائونڈ میں جرمنی کے ڈومینک کاپفیر کو سخت مقابلے میں شکست دے کر پری کوارٹر فائنل میں رسائی حاصل کی لیکن اس کے ساتھ ہی میگا ایونٹ سے دستبردار ہوگئے ہیں ۔

 سوئٹزرلینڈ کے اسٹار ٹینس کھلاڑی راجر فیڈرر   کا کہنا ہے کہ وہ 28جون سے شروع ہونے والے ومبلڈن کے لئے خود کو محفوظ رکھنا چاہتے ہیں،  اپنی ٹیم کے ساتھ مشاورت کے بعد یہ فیصلہ کیا ہے،  کیونکہ گھٹنے کے دو آپریشنز اور ایک سال سے زائد عرصے تک بحالی صحت پروگرام پر عمل کے بعداپنے جسم پر توجہ دینا ضروری تھا اور مقابلوں میں شرکت کیلئے جلد بازی بھی نہیں کی جا سکتی تاہم وہ ومبلڈن میں حصہ لینے کی کوشش کریں گے ۔ 

خیال رہے کہ سوئٹزر لینڈ کے ٹینس اسٹار راجر فیڈرر نے گزشتہ برس  ٹینس نہ کھیلنے کا فیصلہ کیا تھا ۔ٹینس اسٹار راجر فیڈرر کا کہنا تھا  کہ اُن کے دائیں گھٹنے کی تکلیف دوبارہ شروع ہو گئی ہے، اُنہیں پہلے بھی اسی قسم کے مسئلے کا سامنا تھا۔دوبارہ تکلیف کے بعد کسی قسم کا رسک نہیں لینا چاہتا۔

اس سے قبل راجر فیڈرر کے لیے سال 2021 کو اہم قرا ر دیا جارہا تھا ، فیڈرر رواں سال انجری کے باعث پہلے گرینڈ سلیم آسٹریلین اوپن سے دستبردار ہوگئے تھے۔