پاکستانی روپے کی بے قدری جاری ، ڈالر مزید مہنگا ہو گیا

پاکستانی روپے کی بے قدری جاری ، ڈالر مزید مہنگا ہو گیا ۔  کاروباری ہفتے کے تیسرے روز انٹر بینک میں ڈالر کی قیمت میں مزید 6 پیسے کا اضافہ ہوا جس کے بعد ڈالر 278 روپے 45 پیسے پر پہنچ گیا۔

ماہرین کے مطابق امریکی کرنسی کے مقابلہ میں روپے کی بے قدری کی وجہ سیاسی عدم استحکام بتایا جا رہا ہے۔

 دوسری جانب اسٹاک مارکیٹ میں استحکام برقرار ہے۔پاکستان اسٹاک ایکسچینج میں کاروبار کا مثبت آغاز ہوا ، اسٹاک مارکیٹ کے 100 انڈیکس میں 192 پوائنٹس کا اضافہ ریکارڈ کیا گیا جس کے بعد انڈیکس 75 ہزار 426 پوائنٹس پر ٹریڈ کر رہا ہے۔

یاد رہے کہ منگل انٹر بینک میں امریکی کرنسی کی قیمت میں 9 پیسے کا اضافہ ریکارڈ کیا گیا جس کے بعد ڈالر 278 روپے 39 پیسے پر بند ہوا تھا۔